Kiko ta bo soño pa Plantashi Fontein? Yena e enkuesta akí!

Entidat públiko Boneiru (EPB) ta trahando riba un plan pa futuro di Plantashi Fontein. E plantashi akí ta un lugá úniko na Boneiru – e ta riku na naturalesa, kultura i historia. Pa por yega na un plan ku ta kuadra ku balor di e área akí i ku deseonan di nos komunidat, EPB ta bai tene un enkuesta. EPB ke pidi pueblo di Boneiru pa partisipá na e enkuesta importante akí. Fontein tabata semper un fuente di bida i tradishon. Pa algun tempu kaba EPB ta enkargá ku maneho di e área aki. Awor ta e momento pa huntu nos determiná su futuro pa futuro generashonnan por disfrutá dje área meskos ku esnan promé ku nos.

Kiko bo ta haña importante? Ki ta e oportunidatnan ku bo ta mira? Kiko lo bo no ke mira? Bo input lo yuda krea un plan ku ta kuadra ku e nesesidatnan di nos komunidat i ta konservá e karakter úniko di Fontein.

Bo no konosé Plantashi Fontein ainda? Wak e video akí pa siña mas tokante e área akí: https://youtu.be/rk365oJr3NE?feature=shared

Lenk pa yena e enkuesta: https://docs.google.com/forms/d/e/1FAIpQLSeMk_NaVpa2_2CpQmoOMEzhijESE4QTXjdYa3S9KXtBPmYy6A/viewform?usp=header