E último simannan a traha duru riba prentmentu i mandamentu di e karchinan di vota. Ayera a entregá e último karchinan di vota na e persona ku ta sòru pa parti tur e karchinan di vota. Segun espektativa lo entregá e último karchi di vota dia 8 di mart.
Esaki ta mas lat ku a verwagt, loke lamentablemente a surgi pa motibu ku for di Hulanda a manda e último lote di karchi di vota lat. Ku tur ayudo ku tabata disponibel e drùker a imprentá tur kos mas rápido posibel i na e momentu akí e persona enkargá ku e partimentu ta sòru pa parti nan mas pronto posibel, di manera ku dia 8 di mart tur hende a haña nan karchi di vota.
Den kaso ku inesperadamente bo no a haña bo karchi di vota, pa motibu di un adrès robes òf pa motibu ku bo no tin un brivenbùs, e ora ei bo por bai buska e karchi di vota for di dia 9 di mart na departamento di Registro Sivil.
Mirando ku ta emití e karchinan di vota na hulandes, por wak e tradukshonnan riba e página wèp https://www.bonairestemt.nl/stempas/ pa mas aklarashon.
Paga tinu: si bo tin derecho di voto pa elekshon di kolegio elektoral tambe, e ora ei bo ta risibí dos karchi di vota na kas. Un karchi di vota pa elekshon di Konseho Insular i un karchi di vota pa elekshon di kolegio elektoral. Bo ke vota pa tur dos elekshon? E ora ei bai urna elektoral ku tur dos karchi di vota.
Pues pa bai buska bo karchi di vota, for di 9 di mart bo por akudí na departamento di Registro Sivil na Kaya Neerlandia 40 durante e orarionan regular for di 08.00 or te 15.00 or. Si bo no a risibí bo karchi di vota pa motibu di un adrès bieu òf adrès robes, nos ta supliká bo pa mesora inskribí bo datonan di adrès korektamente tambe.
