Dia 15 di mart personanan ku derecho di voto ta bai vota pa elekshon di Konseho Insular i den kaso ku nan tin derecho di voto pa esaki nan ta bai vota pa Kolegio Elektoral tambe. Por vota for di mitar di 8 di mainta te 9 or di anochi. Pa motibu ku nos ta verwagt ku ta bai bira hopi drùk na e urnanan elektoral, nos ta pidi pa bai vota mas tantu posibel durante dia. Tambe Entidat Públiko Boneiru via Diálogo Sentral a supliká dunadónan di trabou pa duna nan empleadonan oportunidat pa bai vota durante dia. Por vota na kualke di e urnanan elektoral menshoná akí bou. En total tin 12 sitio pa vota na Boneiru i bo mes por disidí na unda bo ta bai vota:
1. Jong Bonaire + Jong Bonaire Kaya Libertador Simon Bolivar
2. Sentro di Bario Tera Kòrá Kaya Monseigneur Niewindt
3. Klas na Kristu Bon Wardador Kaya Avelino J. Cecilia
4. Sentro di Bario Nikiboko Kaya Pos di Amor
5. Sentro di Bario Amboina Amboina
6. Sala di deporte Adventista Kaya Ramon 8
7. Kompleho Deportivo J. Nicolaas Kaya Amsterdam
8. Sentro di Bario Nort’i Saliña Kaya Cacique 9
9. Sociedad San Antonio de Padua Kaya Rincon 66
10. Tia Sani Kaya Encarnacion B. Sint Jago
11. Urna elektoral mobil Diferente lokalidat pa mas informashon subi www.boneirutavota.com
12. Edifisio na aeropuerto banda di kuerpo di bombero - EEG Boulevard
Kiko bo tin ku bai kuné pa vota?
No lubidá di bai ku bo karchi di vota i bo prueba di identifikashon ora bo ta bai vota. Si bo falta un di e dos dokumentunan akí bo no por vota.
Kiko mi tin ku hasi ora mi mes no por bai vota?
Bo mes no por bai vota, por ehèmpel pasobra bo ta malu òf pasobra temporalmente bo ta den eksterior? E ora ei bo por pidi un otro votadó pa vota pa bo. Esaki nos ta yama apoderá un hende. Bo ta apoderá un hende solamente ora bo mes di bèrdat no por bai vota. Bo por haña tur informashon tokante apoderashon riba nos wèpsait.
Tur loke bo mester sa tokante e elekshonnan akí i asuntunan manera ki dia, kon i dikon mester vota bo ta haña riba nos wèpsait https://www.boneirutavota.com/
