Den mardugá di djadumingu, 11 di yanüari 2026 a surgi un kandela na lèntfel na Lagun. E promé notifikashon a drenta 2:31 a.m., despues ku personal di seguridat a konstatá promé ku tabatin formashon di huma i despues a konstatá ku tin vlam.
Na yegada di Brantwer Hulanda Karibense (BKCN), a resultá ku Selibon a kuminsá tapa e kandela kaba. Tabata trata di un kandela bou di tera ku a plama bai riba tera, esaki a sosodé parsialmente komo konsekuensia di bientu. Selibon a hasi uso di un excavator pa tapa e kandela ku santu. Polis tambe tabata na e sitio.
Komo ku Selibon a aktua na tempu i di forma korekto, Brantwer por a evaluá i monitoriá e situashon for di un distansia; no tabatin intervenshon aktivo pa paga e kandela ku awa.
Selibon tabatin e kandela bou di kontrol 04:24 or i a tapa e kandela. Brantwer di Hulanda Karibense a keda na e lugá te ora ku e delaster vlamnan a paga, esaki tabata tambe pa garantisá seguridat di personal ku e momento ei tabata hasi trabou ku tin sierto riesgo.
