Aktualmente tin Aviaire Influenze, konosí tambe komo grip di para, den diferente pais di Suramérika. Grip di para ta un malesa kontagioso ku por infektá tantu para di mondi (di awa), komo galiña, patu, kalakuna i otro paranan ku ta kria na kas.
Kontagio riba hende
Normalmente mirá e vírùs di grip di para no ta masha kontagioso pa hende, pero tòg tin algun kaso konosí kaminda e vírùs a infekta hende tambe. Pa e motibu akí mester ta alerta den kaso di para ku ta malu i para morto.
Síntoma
E malesa ta duna diferente síntoma, entre otro mortalidat haltu serka para. Na e momentu akí ta haña e vírùs serka entre otro populashonnan di pelikan brùin na Venezuela i Costa Rica, loke ta nifiká ku tin riesgo ku e ta sigui plama den Karibe.
Boneiru
Aktualmente no tin e vírùs na Boneiru, pero tòg e departamento veterinario ke pidi habitantenan di Boneiru pa ta kouteloso.
Kiko mester hasi?
- Na momento ku diripiente bo propio paranan bira malu òf muri, mèldu esaki serka bo dòkter di bestia di konfiansa.
- No transportá para malu òf morto.
- Bo a mira un para di mondi morto? No ta trata di para ku outa a dal. Mèldu esaki na Departamento Veterinario. Por hasi esaki durante ora di trabou na +599 715 5300 / +599 717 4800 òf si ta pafó di ora di trabou, por fabor manda un email na vet.afdeling@bonairegov.com
- Saka un potrèt di e sitio i duna un deskripshon klarito di unda e para ta.
- Bo mes no mishi ku e para i no transport’é bo mes pa Departamento Veterinario.
