Riba djadumingu 5 di mart Entidat Públiko Boneiru pa promé biaha ta organisá Ciclovia Kids na Playa. E evento ta grátis i pa tur hende for di 16.00 or na Plaza Wilhelmina.
E punto di salida ta pa organisá e plenchi na un manera seif i plasentero, di manera ku tin espasio pa mucha por kore baiskel, kore stèp òf ‘skate’. I pa e muchanan mas chikitu tin un bouncer. Ta sera Kaya Grandi parsialmente pa asina e muchanan por hunga sin nada stroba nan. Tin músika i e garoshi di hòtdòg i Tio Pepe tambe ta presente.
E evento ta kaba pa 19.00 or i nos lo ripitié tur luna. Tene nos página di facebook i nos wèpsait na bista pa e eventonan ku ta na kaminda.
