Entidat Públiko Boneiru ta invitá tur hende kordialmente na su feria di karera. Esaki ta spesialmente na abo ku ke dal un paso nobo. E feria di profeshon akí ku e departamentu di Plenchi di Trabou ta organisá ta tuma lugá riba djabièrnè 3 di òktober 2025 for di 12:00 or te 19:00 or na Jong Bonaire.
Durante e dia akí ‘recruiters’ i konseheronan di Entidat Públiko Boneiru ta para kla pa risibí bishitante i pa informá nan tokante e diferente posibilidat den e organisashon. Esaki ta un oportunidat pa bai personalmente den kòmbersashon, hasi pregunta i deskubrí kon bo konosementu i eksperensia por kontribuí na futuro di nos isla.
Ku nos presensia na e Feria di Karera, Entidat Públiko Boneiru ta invitá tur hende pa hasi uso di nan talento pa Boneiru. Sea ku ta nèt bo a kaba studia òf bo tin eksperensia di trabou kaba i bo ta kla pa un desafio nobo: bo kontribushon por hasi e diferensia.
Nos ta spera pa topa ku bo dia 3 di òktober na Jong Bonaire. Huntu nos ta edifiká un Boneiru fuerte ku enfoke riba futuro.
