Entidat Públiko Boneiru tin un grupo di trabou Bienestar di Bestia nobo, ku enfoke riba bienestar di bestia na nos isla. Lantamentu di e grupo di trabou Bienestar di Bestia akí, ta forma un kontinuashon di e anterior Grupo di Trabou Bienestar di Kachó i ta demostrá ku Entidat Públiko Boneiru ta sigui hasi esfuerso pa mehorá bida di tur bestia na Boneiru.
Kontinuashon di esfuersonan anterior
E grupo di trabou nobo akí ta kontinuá ku trabou di e Grupo di Trabou Bienestar di Kachó i lo enfoká riba e problemátika aktual di kachó (ku ta kana lòs) i ta dediká su mes na un variedat mas grandi di bestia. E meta prinsipal di e grupo di trabou ta pa mehorá situashon di bida di bestia na nos isla i pa redusí keho, kaminda tin atenshon spesial pa nan bienestar i salú.
Oumento di konosementu i konsientisashon
Banda di mehorashon di situashon di bida di bestia, e grupo di trabou tin tambe komo meta pa oumentá konosementu riba tereno di kuido di bestia. Pa medio di programanan edukativo i inisiativanan di informashon, e grupo di trabou ke logra ku doñonan di bestia i amantenan di bestia ta disponé di e informashon i abilidatnan nesesario pa por kuida nan bestianan di kas bon.
Kampaña di informashon
Den e di dos kuartal binidero e grupo di trabou lo ranka sali ku un kampaña di informashon, ku enfoke riba oumento di konsientisashon serka doñonan di bestia i amantenan di bestia. E kampaña akí lo tira lus riba diferente aspekto di bienestar di bestia i ofresé tep práktiko pa kuido i protekshon di nos bestianan di kas stimá. Ta trata akí di un predesesor di akshon ku ta bai tuma relashoná ku bon bienestar di bestia.
