E aña akí Direktorado di Supervishon i Mantenshon di Lei, den kolaborashon ku Kuerpo Polisial Hulanda Karibense (KPCN) i Kuerpo di Bombero Hulanda Karibense (BKCN), un biaha mas ta bai traha huntu pa organisá dos enkuentro di informashon edukativo. E enkuentronan akí ta enfoká riba siguridat di kuminda, siguridat kontra kandela i òrden públiko. Spesífikamente nan ta intenshoná pa doñonan di stènt i hendenan ku ta bende kuminda i kos di bebe riba kaya.
Mantenshon di lei den forma mas severo den aña 2024
Banda di e informashon di kustumber tokante siguridat di kuminda, siguridat kontra kandela i òrden públiko, lo dediká atenshon tambe na e mantenshon di lei den forma mas severo ku Direktorado di Supervishon i Mantenshon di Lei ta bai apliká.
Fecha i lokalidat
E promé enkuentro ta tuma lugá na Rincon. Bendedónan riba kaya i doñonan di stènt di tantu Rincon komo di Playa ta bon biní pa partisipá na e enkuentro di informashon akí na Rincon.
Fecha: 28 di mart 2024
Ora: 19:00 or - 20:30 or
Lokalidat: Cocari, Rincon
Den kaso ku bo ta strobá òf resientemente ya kaba bo a partisipá na un enkuentro di informashon, nos ta ofresé e posibilidat pa partisipá den e di dos mitar di aña na e otro enkuentro, ku nos ta bai organisá na Playa. E fecha eksakto nos lo partisipá mas despues, pero e lo tuma lugá promé ku Regata di Boneiru.
