Dùmpmentu ilegal di sushi ta forma un menasa grandi pa medio ambiente, salú públiko i bienestar di nos komunidat. Nos infrastruktura lokal tambe por eksperensiá daño serio di dùmpmentu deskontrolá di sushi. “Dùmpmentu ilegal di sushi tin konsekuensianan nunka bisto pa naturalesa, infrastruktura lokal i medio ambiente,’ segun un bosero di Direktorado di Supervishon i Mantenshon di Lei. “Ku e kampaña akí nos ke oumentá konsientisashon i enkurashá habitantenan i empresanan pa traha huntu ku nos pa logra un ambiente di biba limpi i seif.”
Meta di e kampaña
E meta mas importante di e kampaña ta oumento di konsientisashon rònt di dùmpmentu ilegal di sushi. Pa medio di splika kua ta e konsekuensianan negativo ku dùmpmentu di sushi tin, Direktorado di Supervishon i Mantenshon di Lei ta spera ku tantu personanan privá komo empresanan ta asumí nan responsabilidat riba tereno di maneho di sushi. Di e manera akí tur hende por kontribuí na un ambiente di biba mas limpi i mas sostenibel.
Kontenido di e kampaña
Lo propagá e kampaña nobo di konsientisashon via diferente medio di komunikashon:
• Mediatour: Entrevista i presentashon den programanan di notisia lokal i nashonal.
• Medionan sosial: Ta kompartí informashon i aktualisashon via vários kanal di medionan sosial, ku hopi tep útil pa prosesá sushi na un manera korekto.
• Radio i televishon: Spòt na radio i fragmento na televishon ku atenshon spesial pa e impakto di dùmpmentu ilegal di sushi i e ròl ku tur hende por hunga pa evitá esaki.
Mas informashon
Pa mas informashon tokante e kampaña bo por tuma kontakto ku Direktorado di Supervishon i Mantenshon di Lei via:
• Telefòn: 715-5330
• Emeiladrès: directie_th@bonairegov.com
• Wèpsait: www.bonairegov.com
