Riba djasabra 10 di mei 2025 den oranan di mainta, Direktorado di Supervishon i Mantenshon di ley a risibí diferente notifikashon ku na un edifisio situá den Kaya Grandi lo mester tabatin trabounan di desmantelashon peligroso i irresponsabel tumando lugá.
Personal di DTH(Directie Toezicht en Handhaving/Direktorado di Supervishon i Mantenshon di Lei) a bai na e sitio i a konstatá ku tabatin trabounan di desmantelashon tumando lugá pa kual no tabatin e dokumentonan i pèrmitnan nesesario. Un parti di e trabounan tabata enserá kitamentu di e dak, kual na e momentu ei no tabata sigur si esaki por ta kontené asbèst òf otro material ku por ta dañino pa medio ambiente.
Den kuadro di esaki DTH a para e trabou por kompletu pa por laga hasi e investigashonnan nesesario i pa esnan konserní por atendé e pèrmitnan nesesario.
DTH ke rekordá tur persona i komersiante ku ta importante pa promé ku inisiá ku trabounan di konstrukshon i/òf desmantelashon, regla i tin e pèrmitnan nesesario evitando ku ta para e proyekto i tur konsekuensia ku esaki por trese.
Ku e akshon di awe, DTH no solamente ta kontribuí na salú i bienestar públiko pero tambe ta pèrkurá pa un komunidat sigur i habitabel.
Un supervishon hustu pa un komunidat sigur!
