Entidat Públiko Boneiru ta orguyoso di por partisipá ku tin dòpi pa orea grátis disponibel pa tur hende ku ta selebrá karnaval na Boneiru. E inisiativa akí ta un kolaborashon ku ZW-Groep. Huntu nos ke protehá salú di nos habitantenan i bishitantenan.
Dikon dòpi pa orea ta importante?
Karnaval ta un fiesta grandi ku músika, vários òptògt i hopi zonido. Músika duru por okashoná daño permanente na oido. Departamento di Salubridat Públiko i ZW-Groep ke redusí e riesgo pa daño na oido pa medio di ofresé dòpi pa orea grátis. Asina tur hende por gosa na un manera seif di e fiesta di karnaval.
Kon bo ta haña e dópinan pa orea grátis?
E dópinan pa orea ta optenibel via ZW-Groep. Pa esaki tuma kontakto ku:
Pamela Janga via telefòn 701 57 90
E dópinan pa orea ta fásil pa usa í nan ta reusabel. Nos ta konsehá tur partisipante i tur hende kantu di kaya pa usa nan durante karnaval.
Mas atenshon pa salú
E dòpinan pa orea grátis ta forma parti di un kampaña mas amplio di Salubridat Públiko. Durante un ‘mediatour’ e énfasis ta tambe riba:
Prevenshon di uso di supstansia (alkohòl, droga, tabaku)
Prevenshon di malesa di sangura (zika, dengue i chikungunya)
Importansia di bebe sufisiente awa i kome salú
Protekshon kontra kalor i kimá di solo
Fiesta huntu i keda salú
Karnaval ta un fiesta spesial na Boneiru. Pa medio di paga bon tinu riba nos salú, nos ta sòru pa tur hende por gosa tur ku tin. Laga nos fiesta i protehá nos salú huntu!
