Gezaghèber di Entidat Públiko Boneiru ta anunsiá ku relashoná ku kambio di aña e ta duna dispensashon general pa tira vürwèrk di konsumidó. E dispensashon akí ta na vigor for di 31 di desèmber 2025 te ku 1 di yanüari 2026, konforme artíkulo 31 sup 2 di e Ordenansa General di Polis di Boneiru.
Pafó di e periodo akí no ta pèrmití pa tira vürwèrk. Pa uso di e asina yamá vürwèrk grandi, manera pagara, na tur momentu un pèrmit ta keda obligatorio.
Eksepshon i zona di siguridat
No ta pèrmití pa tira vürwèrk dentro di un rayo di 250 meter for di:
- hòspital i institutonan di kuido;
- edifisionan kaminda ta tene sirbishi di misa;
- pòmp di gasolin i sitionan kaminda ta almasená supstansianan eksplosivo i fásilmente inflamabel;
- sitionan kaminda den forma empresarial nan ta kuida bestia, manera asilo di bestia i penshon pa bestia.
Banda di esaki no ta pèrmití pa tira di vürwèrk ku ta bai haltu na un sitio ku por kousa peliger pa tráfiko aéreo.
Responsabilidat propio
No opstante e dispensashon otorgá, tur hende ta keda personalmente responsabel pa eventual daño òf leshon na hende, bestia òf propiedat komo konsekuensia di tiramentu di vürwèrk.
Gezaghèber ta hasi un yamada urgente riba nos komunidat pa anda na un manera kuidadoso i responsabel ku vürwèrk. Esaki ta nifiká entre otro:
- tene sufisiente distansia ora di tira vürwèrk;
- hasi uso di vürwèrk únikamente segun e instrukshon di uso;
- nunka no dirigí vürwèrk den direkshon di hende òf bestia i nunka no tira vürwèrk riba hende òf bestia.
Huntu nos ta sòru pa un kambio di aña seif i festivo na Boneiru.
