Resientemente sr. Carlo Thodé a kumpli kuarenta aña di servisio na gobièrnu di Boneiru.
Na 1983 Carlo a drenta servisio di gobièrnu den e sistema di rotashon i despues di tres aña a nombra Carlo den servisio vast di gobièrnu. Su promé kaminda ku la laborá durante seis aña tabata na kas di Gezaghèber. Despues di esaki Carlo a bai traha pa Buitendienst. Pa ocho aña ela ehersé trabou na Kadaster tambe, siendo den gobièrnu.
Na aña 2011 Carlo a bai traha na Domeinbeheer komo asistènt landmeter(topografo). Na aña 2012 e departamento a bira Direktorado di Planifikashon i Desaroyo kaminda ku te awe ainda Carlo ta laborá .
Entidat Públiko Boneiru i tur su koleganan ta manda un pabien kaluroso pa Carlo pa su añanan di servisio ku ela desplegá i nan ta spera ku durante e añanan ku a sobr’é nan por sigui konta ku su entusiasmo i koperashon.
