A sera edifisionan temporalmente pa enkargo di kuerpo di bombero

Pa enkargo di kuerpo di bombero, ta konsehá empresarionan estriktamente pa no habri espasio di benta i/òf restorant pa públiko den oranan di mainta di djamars 29 di aprel 2025 sin pèrmit di kuerpo di bombero.

No por drenta e edifisionan den e kayanan menshoná abou pa motibu di presensia di kantidatnan enorme di huma i gas. E huma i gasnan ta malu pa salú di hende i bestia.

Ta trata di tur propiedat situa na:

• Kaya Grandi, number 7 te ku 35

• Kaya Isla Ariba

• Kaya Almirante Pedro Luis Brion, te ku e zijstraat banda di Kaya Grandi number 30

• E propiedatnan situa na J.N.E. Craane, di Kaya Korsou pa Kaya Isla Ariba

Nos ta konta riba kolaborashon di tur hende pa garantisá seguridad di bishitantenan i empresarionan.