Matrimonio

Kasamentu na Boneiru

Kasamentu na Boneiru ta un asuntu spesial i digno. P’esei pa boso komo futuro brùit i bruidehòm e dia aki mester ta bon pèrkurá te den e último detaye. Boso ke un seremonia tradishonal di kasamentu òf boso tin deseonan spesial den mente pa loke ta trata e seremonia? Na Boneiru hopi kos ta posibel.

Bo por reservá un kasamentu te pa mas tardá 2 siman i maksimalmente 1 aña promé ku e fecha deseá. E promé paso ofisial den kaso di kasamentu ta e deklarashon di matrimonio (dunamentu di man). E dunamentu di man ta apart for di e reservashon di un fecha pa boso matrimonio.

Entrada liber

Djaluna - Djaweps: 8' or - 12' or 

Kiko mester bai kuné

Ora di dunamentu di man bo tin ku bai ku lo siguiente:

• un prueba di identidat bálido di boso tur dos;
• un kopia resien di bo papel di nasementu i di bo partner;
• bo tabata kasá anteriormente? E ora ei bo tin mester di un prueba ku bo no ta kasá mas. Por ehèmpel un papel di divorsio di tur e anterior matrimonionan òf un akta di fayesimentu;
• un deklarashon resien emití di domisilio, nashonalidat i estado sivil (si bo no ta biba na Boneiru);
• un deklarashon ku bo ta outorisá pa kontraé matrimonio (si bo no ta biba na Boneiru). Pa mas informashon bo por akudí serka outoridatnan di e pais kaminda bo ta biba.

Kasamentu grátis

Ta posibel pa kasa grátis. Esei por solamente riba djaluna mainta pa 08.00 i 8.30 or den sala di kasamentu na Departamento di Registro Sivil. E seremonia ta limitá su mes na ‘bisa si’ i firmamentu di e akta. Ora di kasamentu grátis solamente e brùit i brùidehòm i e testigunan por ta presente.

Buki di kasamentu

Si bo ta kasa na Boneiru, e ora ei bo tin eskoho entre algun tipo di buki di kasamentu. Esei no ta un obligashon. Tambe tin espasio pa menshoná yunan etc. Na momentu ku bo reservá bo matrimonio, bo por indiká kua di e bukinan di kasamentu aki bo ta deseá di risibí durante e seremonia di kasamentu.