Matrimonio

Bo ke kasa?
Notifiká bo plannan na departamento di Registro Sivil di entidat públiko Boneiru.

Kiko e produkto òf servisio aki ta nifiká?

Kiko bo mester tene bon kuenta kuné?

Na Boneiru bo por kasa ofisialmente solamente via entidat públiko Boneiru. Despues di un seremonia religioso so, bo no ta kasá ofisialmente. Pues solamente un servisio den por ehèmpel un misa òf meskita no ta sufisiente.

Ora bo ta bai kasa, bo ta notifiká bo plannan na departamento di Registro Sivil di entidat públiko Boneiru. Huntu ku departamento di Registro Sivil bo ta hasi palabrashonnan tokante e matrimonio. Por ehèmpel tokante e lokalidat, e funshonario di kasamentu, e fecha i e momentu. Tambe bo por hasi palabrashonnan tokante kon e seremonia lo bai ta.

Na momentu di kontraé e matrimonio, bo tin mester di testigu. Mester tin por lo ménos 2 i maksimal 6 testigu presente. E testigunan mester ta mayor di edat.

Ki ora bo por pidi esaki?

E kondishonnan standart pa kasa ta:

Bo tin 18 aña òf mas.
Bo no ta kasá ku un otro persona.
Bo no tin union registrá ku un otro persona.
Bo no ta un pariente muchu serka di bo partner. Esaki ta nifiká ku bo partner no por ta, por ehèmpel: bo tata, yu òf nietu, welo òf ruman di mama òf tata.
Bo no ta bou di kuratela. Si bo ta bou di kuratela, bo mester tin pèrmit di e kurátòr òf hues.

E departamento di Registro Sivil di entidat públiko Boneiru ta kontrolá si bo por kasa.

Kon bo por pidi esaki?

Bo por notifiká e plannan pa bo dia di kasamentu basta promé.

Notifiká esaki por lo ménos 2 siman adelantá. Bo mester entregá dokumentonan ku mester bini for di eksterior na Registro Sivil di entidat públiko Boneiru? Tene na kuenta e ora ei ku 2 siman por ta muchu kòrtiku. Pa kasamentu na un otro lokalidat mester notifiká mínimo 1 luna adelantá.

Asina bo ta notifiká ku bo ke kasa:

Tuma kontakto ku e departamento di Registro Sivil di entidat públiko Boneiru si bo ke kasa.

Ki lei i regla ta konta aki?

Burgerlijk wetboek boek 1