Produkto i Servisio
Gobièrnu i Organisashon
Aktualidat

Kasamentu pa persona ku no ta residente

Si bo ta biba den eksterior, bo por kasa na Boneiru. Bo ta notifiká bo plannan na departamento di Registro Sivil di entidat públiko Boneiru.

Kiko e produkto òf servisio aki ta nifiká?

Tambe si bo no ta biba na Boneiru, bo por kasa aki.
Bo mes por skohe unda bo ke kasa. Pa mas informashon tokante esaki, wak página ‘Skohé un lokalidat pa kasa’.

Ki ora bo por pidi esaki?

E kondishonnan standart pa kasa na Boneiru ta:

  • Bo tin 18 aña òf mas.
  • Bo no ta kasá ku un otro persona.
  • Bo no tin union registrá ku un otro persona.
  • Bo no ta un pariente muchu serka di bo partner. Esaki ta nifiká ku bo partner no por ta, por ehèmpel: bo mayornan, yu òf nietu, welo òf ruman di mama òf tata.
  • Bo no ta bou di kuratela. Si bo ta bou di kuratela, bo mester di pèrmit di e kurátòr òf hues.
  • E departamento di Registro Sivil di entidat Públiko Boneiru ta kontrolá si boso por kasa ku otro.

Kon bo por pidi esaki?

Bo por notifiká bo plannan pa dia di bo kasamentu basta promé.
Notifiká esaki por lo ménos 2 luna adelantá. Bo mester entregá dokumentonan ku mester bini  for di eksterior na e departamento di Registro Sivil di entidat Públiko Boneiru? Tene na kuenta ku 2 luna por ta muchu kòrtiku e ora ei.

Asina bo ta notifiká ku bo ke kasa:

  • Tuma kontakto ku e departamento di Registro Sivil di entidat públiko Boneiru si bo ke kasa.

Ki lei i regla ta konta aki?

Chat