FAQ tratamentu di keho

Hende por entregá un keho tokante komportashon di un órgano di gobièrnu, un mandatario òf un empleado. No por entregá keho ora ta trata di desishon, maneho òf notifikashon den espasio públiko, ku eksepshon di ora Entidat Públiko Boneiru no reakshoná òf ora nan reakshoná lat.

No ta tuma un keho den tratamentu ora:

• anteriormente ya kaba a entregá un keho tokante e mesun komportashon i ya kaba a trata e keho akí òf e ta den tratamentu ainda;
• e komportashon a tuma lugá mas ku un aña pasá;
• kontra e komportashon akí opheshon òf apelashon tabata òf ta posibel;
• tokante e komportashon akí ya kaba tabatin, òf ainda tin, un kaso den korte andando.

Esaki ta nifiká ku no por trata e keho pa medio di un prosedura di keho. Tur biaha e persona ku a entregá keho ta risibí un mensahe ku splikashon tokante esaki.

Pa medio di e formulario online, pero por hasi esaki na bali tambe, via Sentro di Kontakto ku Kliente (telefónikamente via: +599 – 715 53 30, òf pa medio di email via: info@bonairegov.com.) E ora ei e empleadonan di Entidat Públiko Boneiru ta yuda bo yena e formulario online.

E persona ku a entregá un keho ta risibí un konfirmashon via email i Whatsapp ku un number di kaso.

Mayoria biaha e tratamentu ta dura maksimalmente 14 dia di trabou. Si e ta dura mas tantu tempu, e persona ku a entregá keho ta haña un mensahe tokante esaki.

Un tratadó di keho òf e koordinadó di keho ta trata e keho.

Si Entidat Públiko Boneiru i e persona ku a entregá keho no por haña un solushon konhuntamente, e ora ei por presentá e keho na Nationale Ombudsman.

Si. E kehonan ta yuda Entidat Públiko Boneiru mehorá su servisio.

Nò, na Entidat Públiko Boneiru bo no por entregá keho tokante RCN. Bo tin ku hasi esaki na RCN.