Bèrgwensa – Komprenshon

Den parti 4 di Bèrgwensa bo ta mira kon e mama di Oscar ta bini na komprenshon. E ta realisá ki tipo di efekto su komportashon tin riba Oscar. No ta su intenshon pa hasié tristu. E ta primintí, meskos ku su yu muhé, ku di awor en adelante e t’ei pensa mihó tokante loke e ta bisa. Tambe e ta bai pasa mas tempu ku su famia. Mira parti 4 di Bèrgwensa aki.

Lesa e storia di Gera

Nos a pidi Akseso kon nan ta trata ku situashonnan manera esun di Gera. Regularmente nan ta topa ku situashonnan ku hende ke un solushon, sí. Pero nan no sa kiko nan mester hasi p’esaki. Ta importante pa habitantenan di Boneiru haña ayudo mihó i mas lihé. Mas lihé nos start kombersashon, ménos grandi e daño ta pa tur partido.

“Hopi bia ta difísil pa start un kòmbersashon ora tur e emoshonnan ta eskalá. Ku mediashon nos ta yuda e partidonan pa tene e meta general na bista, i asina bai den kòmbersashon ku enfoke riba solushon”, sigun un trahadó sosial serka Akseso. 

Sentro Akseso Boneiru ta é organisashon pa ayudo sosial na Boneiru. Den Sentro Akseso a uni servisionan di un kantidat di organisashon eksistente manera e Sentro pa Hubentut i Famia, e Sociaal Wijkteam (Tim di Bario), e punto di konseho i notifikashon Violensia Domestiko i Maltrato di Mucha Guiami, Maatschappelijke Ondersteuning (Apoyo Sosial) i Jeugdgezondheidszorg (Salú Hubenil).

Tambe den kaso di nesesidat di un areglo di bishita i problema ku partner, Akseso por yuda den forma di mediashon.