Mi nòmber ta Gera

Ora mi kòrda e temporada di mi divorsio, mi ta tristu i agradesido pareu. Danki na Akseso mi sa ku ta hopi importante pa papia tokante bo problemanan. E ta yuda bo bai dilanti. Mi ta eternamente gradesido na nan.

 “Papia ku otro. Tambe ora ta difísil. Esei mi ta konsehá tur hende.”
 

E relashon entre ami komo mama hóben, tata di mi yu, i mi eks suegronan no tabata bon. Nos tabata haña difísil pa papia ku otro. Nos tabata diskutí masha hopi. Espesialmente mi yu hòmber tabata sufri bou di esaki. E tabata haña su tata i su tawela i wela lif. Ademas mi ta kontentu ora mi yu tin un bon relashon ku nan. Solamente mi no tabatin idea kiko mi mester a hasi pa drecha e situashon. Tabata difísil pa papia ku un hende tokante esaki.

Via via mi a drenta den kontakto ku un trahadó sosial di Akseso. E tabata ke yuda mi. Huntu nos a buska solushonnan. El a skucha mi. Pero tambe e storianan di tata di mi yu i mi eks suegronan.

E trahadó sosial a papia ku ami, mi yu hòmber i su tata i su tawela i wela. Nos tur a bai den kòmbersashon. I nos a ekspresá nos iritashonnan. E trahadó sosial a guia e kòmbersashonnan aki di un forma hopi profeshonal.

 ‘Mi ta mira mi yu hòmber ta floresé atrobe’
 

Nos a deskubrí ku nos no tabata papia kla ku otro. Tabatin hopi strobashon den e komunikashon. Esaki tabata trese iritashonnan innesesario. Al fin i al kabo nos tur tabata ke loke ta mihó pa nos yu/nietu. E trahadó sosial di Akseso a duna nos e komprenshon aki. Mi ta mira mi yu hòmber ta floresé atrobe. E tin hopi bon kontakto ku su tata i su tawela i wela.