Rekonosementu di yu

Rekonosementu di yu

Si komo pareha kasá boso haña un yu, e ora ei for di momentu di su nasementu mesora boso ta un mama i un tata. Si bo no ta kasá, e ora ei bo yu (pa lei) tin solamente un mama. Pa realisá un relashon di desendensia entre e tata i su yu, e hòmber tin ku rekonosé e yu.

Si mayornan di un yu no ta kasá, e tata por rekonosé e yu pa medio di laga registrá e paternidat na Registro Sivil. E ora ei e mama tin ku duna pèrmit por eskrito sí ku e hòmber tin mag di rekonosé e yu komo su yu. Rekonosementu ta deklarashon di un hòmber ku e ta tuma paternidat riba dje di un yu ku tin solamente un mama. E ámtenar di Registro Sivil ta registrá e deklarashon aki den un akta di rekonosementu. 

Kondishonnan

E hòmber por rekonosé e yu kaba for di promé ku e nase. Esaki nan ta yama tambe rekonosementu di un yu ku no a nase ainda. Rekonosementu por tuma lugá tambe na momentu di hasi deklarashon di nasementu òf despues di esei. E hòmber ku rekonosé e yu ta bira e tata hurídiko, aunke e no ta e tata biológiko. Pa medio di rekonosementu entre e hòmber i e yu ta surgi derecho di suseshon mutuo i obligashon di mantenshon. Banda di esei e hòmber ta haña un obligashon di kuido i edukashon pa e yu. Ora ku a rekonosé un yu, esaki no ta nifiká outomátikamente ku e esun ku a rekonosé e yu tin outoridat parental tambe riba e yu. Tantu promé komo despues di rekonosementu, outoridat parental ta solamente serka e mama. Pa por optené outoridat parental, despues di nasementu di e yu bo tin ku entregá un petishon serka wes. Lesa mas tokante outoridat parental riba www.rijksoverheid.nl.

Kiko mester trese

Pa rekonosementu promé ku nasementu bo tin ku bai ku un prueba di identidat bálido di esun ku ta rekonosé e yu i di e mama. Ámbos persona mester ta personalmente presente. Pa rekonosementu despues di nasementu di e yu, bo tin ku bai ku un prueba di identidat bálido di esun ku ta rekonosé e yu, di e mama i di e yu (ámbos mester ta personalmente presente, pa e yu esaki ta konta for di edat di 12 aña).

Gastu

Hasi deklarashon di nasementu ta grátis. Pa hasi deklarashon di nasementu ta konta un servisio di ‘kla miéntras bo ta warda’. Un kopia di e akta di nasementu ta kosta $11,17.