Deklarashon di nasementu

Si bo a bira tata òf mama, e ora ei dentro di sinku (5) dia di trabou bo tin ku hasi deklarashon di nasementu serka e ámtenar di Registro Sivil di Boneiru. E ora ei esaki ta traha un akta. E akta di nasementu ta e prueba por eskrito ku un hende a nase. Si e mayornan ta kasá, e ora ei outomátikamente e yu tin un mama i un tata. 

Entrada liber

Djaluna - Djaweps: 8' or - 12' or 

Kondishonnan

E personanan aki bou ta outorisá/obligá pa hasi deklarashon di nasementu:

    • mama di e yu ta outorisá;
    • tata di e yu ta obligá.

    Si e tata no ta presente òf e ta strobá pa hasi deklarashon di nasementu, e ora e siguiente personanan ta obligá pa hasi deklarashon di nasementu:

    • tur hende ku tabata presente na e nasementu;
    • hefe òf apoderado di e hospital kaminda e nasementu a tuma lugá.

    Kiko mester trese?

    Ora di hasi deklarashon di nasementu bo tin ku bai ku lo siguiente:

    • un prueba di identidat bálido di esun ku ta hasi e deklarashon di nasementu;
    • notifikashon di nasementu di parti di hòspital;
    • buki di kasamentu (si ta deseá esaki).

    Gastu

    Hasi deklarashon di nasementu ta grátis. Pa hasi deklarashon di nasementu ta konta un servisio di ‘kla miéntras bo ta warda’.
    Un kopia di e akta di nasementu ta kosta $11,17.