Pèrmit di bibida i hóreka
Si bo ke kuminsá un bar òf un restorant, bo tin ku pidi un pèrmit spesial. Esaki ta pará den e reglanan di e ordenansa di bibida i hóreka di 1991 i 1996 (Ordenansa di Bibida i Hóreka – Drank- en Horecavergunning AB 1991, no. 27 i di AB 1996, no.13). Bo mester tin un pèrmit di establesimentu promé pa por kuminsá bo negoshi. Despues bo por pidi e pèrmit di bibida i hóreka.
Paga tinu! Sòru pa bo Deklarashon Tokante Kondukta (VOG) no ta mas bieu ku tres luna ora bo hasi petishon pa e pèrmit.
Ora bo pidi e pèrmit, nos ta pidi konseho na polis (Kuerpo Polisial Hulanda Karibense - KPCN), kuerpo di bombero i Direktorado di Supervishon i Mantenshon di Lei, departamento di Komunidat i Kuido. Nan ta wak por ehèmpel e higiena. Si un di nan duna konseho negativo, lamentablemente nos no por duna bo un pèrmit.
E siguiente pèrmitnan i outorisashonnan ta kai bou di pèrmit di bibida i hóreka:
| Pèrmit pa bar | Pèrmit pa benta por mayor | Outorisashon pa | |
| Pèrmit pa restorant | Pèrmit pa tienda di bende eiskrim | Toka músika | |
| Pèrmit pa snèk | Pèrmit pa hotèl | Hunga domino | |
| Pèrmit pa bende serbes | Pérmit pa apartamentu | Hunga biar | |
| Pèrmit pa bende bibida stèrki | Pèrmit pa penshon | Pèrmití baliamentu | |
| Pèrmit pa bende ‘pa bai kuné’ | Pèrmit pa sosiedat | Mashin di benta (kos di kome, kos di bebe, eiskrim) |
