Definitie Vergunningen

Pèrmit pa bar

Benta por menor di bibida stèrki, tantu pa uso na e sitio komo pa uso na otro kaminda i benta di bibida ku tiki alkohòl i/òf kos di bebe sin alkohòl i pa eiskrim destiná pa konsumo òf otro tipo di artíkulo similar pa uso na e sitio.

Pèrmit pa restorant

Benta por menor di kos di bebe sin alkohòl, eiskrim destiná pa konsumo òf otro tipo di artíkulo similar i kos di kome prepará den un kushina ubiká na e sitio mes, pa uso na e sitio mes.

Pèrmit pa snèk

Benta por menor di bibida ku tiki alkohòl òf kos di bebe sin alkohòl, eiskrim destiná pa konsumo òf otro tipo di artíkulo similar i kos di kome ku ta fásil pa prepará pa uso na e sitio mes.

Pèrmit pa bende serbes

Benta por menor di bibida ku tiki alkohòl i kos di bebe sin alkohòl, eiskrim pa konsumo òf otro tipo di artíkulo similar pa uso na e sitio mes.

Pèrmit pa bende bibida stèrki

Benta por menor di bibida stèrki eksklusivamente pa uso na otro sitio, ku no ta e sitio pa kua e pèrmit ta bálido.

Pèrmit pa bende kos di kome ‘pa bai kuné’

Benta di kos di kome ku ta keda prepará den un kushina ubiká na e sitio mes, pa uso na un otro sitio ku no ta e sitio di benta.

Benta por mayor

Benta otro ku benta por mayor di bibida stèrki, eksklusivamente pa uso na un otro sitio ku no ta e sitio di benta.

Pèrmit pa tienda di bende eiskrim

Benta por menor di kos di bebe sin alkohòl, eiskrim destiná pa konsumo òf otro tipo di artíkulo similar pa uso na e sitio mes.

Pèrmit pa hotèl

Ofresé alohamentu kontra pago ku servisio na 10 òf mas wéspet. Benta por menor di bibida stèrki i bibida ku tiki alkohòl i kos di bebe sin alkohòl, eiskrim destiná pa konsumo òf otro tipo di artíkulo similar pa uso na e sitio mes.

Pèrmit pa apartamentu

Hürmentu di espasio pa biba komo unidat separá na turista di parti di un persona hurídiko.

Pèrmit pa penshon

Ofresé alohamentu kontra pago ku servisio na ménos ku 10 wéspet i benta por menor di bibida ku tiki alkohòl i kos di bebe sin alkohòl, eiskrim destiná pa konsumo òf otro tipo di artíkulo similar pa uso na e sitio mes.

Pèrmit pa sosiedat

Benta por menor di bibida stèrki i bibida ku tiki alkohòl i kos di bebe sin alkohòl, eiskrim destiná pa konsumo òf otro tipo di artíkulo similar i / òf kos di bebe eksklusivamente na miembronan di e sosiedat i nan introdusidonan pa uso na e sitio mes.

Definishon:

Bibida stèrki:

a. Bibida ku ta kontené mas ku 21 porshentu di alkohòl pa volúmen na un temperatura di 15 grado riba un eskala di 100 parti;

b. Bibida alkohóliko optené pa medio di destilashon, alabes likor i beter, te sina leu ku esaki no ta kai bou di deskripshon di e bebida na kua ta referí bou di a.

Bibida ku tiki alkohòl

a. Serbes

b. Biña, bou di kua ta komprendé bibida fermentá, optené por kompleto òf parsialmente di djus òf ekstrakto di fruta fresku i seku òf partinan di mata, te asina leu ku esaki no ta kai bou di deskripshon di ‘bibida stèrki’;

c. Otro for di e ‘bibida stèrki’ menshoná bou di b i e ‘bibida ku tiki alkohòl’ menshoná bou di a i b, ku ta kontené 21 porshentu di alkohòl pa volúmen òf ménos na un temperatura di 15 grado riba un eskala di 100 parti;