Empleado Sekretarial Atministrativo C
Entidat públiko Boneiru ta buskando koleganan nobo entusiasmá, ku enfoke riba kliente i digitalmente ábil. Bo ta un hende ku gusta trese struktura i aliviá preokupashon di bo koleganan, i ku ta haña energia di kontakto ku kliente i prosesonan atministrativo? Bo ke kontribuí na salú i bienestar di Boneiru pa medio di na un manera profeshonal duna sosten na e tim di GGD? E ora ei t’abo nos ta buskando!
Kiko bo ta bai hasi?
Komo Empleado Sekretarial Atministrativo C-GGD Boneiru bo ta sostené GGD ku un variedat di trabou atministrativo i sekretarial. Bo ta traha estrechamente huntu ku koleganan den departamento di Salubridat Públiko i bo ta un punto di kontakto importante pa kontaktonan interno i eksterno. Konkretamente bo ta okupá bo mes ku:
• Maneho di agènda, planifikashon di konsulta i monitoreo di sita;
• Si ta nesesario, organisá i prepará reunion i enkuentro, inkluso raportahe i lista di akshon;
• Maneho di e mailbox(-nan) i korespondensia di tim di maneho di Salubridat Públiko i independientemente trata mensahenan ku ta drenta òf manda nan pa e persona konserní;
• Archivá fail i trata nan atministrativamente, inkluso prosesamentu digital via sistemanan manera Teams;
• Risibí bishitante i kontestá pregunta di siudadanonan i partnernan;
• Mantené kontakto ku partidonan tantu interno komo eksterno, manera ICT, Servisio Fasilitario i suministradónan;
• Riba término prosesá pagonan ‘key’ independientemente.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo
sitio di trabou, pero tambe den e rekompensa ku bo ta haña pa bo trabou. E salario
regular pa e funshon akí ta kai den eskala 7 i ta sòru pa un salario di minimalmente
$ 2520 i maksimalmente $ 3360 pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon temporal di 1 aña. Den kaso di bon funshonamentu tin un opshon pa un relashon di trabou vast.
E salario ta a base di bo formashon, abilidat i eksperensia. Bo siman di trabou ta di djaluna pa djabièrnè teniendo kuenta ku bo siman di trabou di 36 ora. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Komo Empleado Sekretarial Atministrativo C-GGD Boneiru, bo ta disponé di e siguiente abilidatnan/kompetensianan:
• Aktitut di trabou minusioso i ku enfoke riba kliente;
• Komunikativamente fuerte;
• Resiliente kontra strès, fleksibel i apto pa por kambia rápidamente di un tarea pa otro den kaso di trabounan ‘ad hoc’ òf situashonnan di krísis;
• Kapasidat pa funshoná bon, tantu independientemente komo den tim, ku sintimentu pa e tarea públiko di GGD;
• Un sentido grandi di responsabilidat den andamentu ku informashon konfidensial den e organisashon.
Mas aleu bo ta bini ku lo siguiente:
• Minimalmente un formashon kompletá di MBO-4;
• Disponibilidat pa sigui kapasitá bo mes den formashonnan/kursonan relevante;
• Minimalmente 2 aña di eksperensia den un funshon sekretarial òf atministrativo similar;
• Eksperensia ku kontakto ku kliente i tratamentu di pregunta ta rekerí;
• Digitalmente ábil, ku konosementu di sistemanan manera MS Office. Eksperensia ku aplikashonnan manera VR (registrashon di bakunashon) i Key ta un bentaha;
• Bo ta dominá hulandes i papiamentu tantu verbalmente komo por eskrito, i banda di esaki bo por komuniká bon na ingles i spañó tambe.
Loke ta importante tambe pa sa
• Un assessment por forma parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 27 di novèmber 2025 na solliciteren@bonairegov.com. Bo por dirigí esaki na Kolegio Ehekutivo na atenshon di departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma
kontakto ku e konsehero di rekurso humano (HR) Dayanne Alvarado Arroyo (+599) 715 5330 i/òf e hefe athunto di GGD Shandinella Alejo (+599) 777 6104.
Pa mas informashon tokante Entidat Públiko Boneiru bo por bishitá www.bonairegov.com.
