Simannan pa buska BSN
Entrante 11 di novèmber bo ta risibí un number di servisio pa siudadano (BSN) i bo por pasa buska e karta ku bo BSN personal. E BSN ta bo number personal, ku bo ta haña for di awor di forma ku den futuro bo por regla bo asuntunan ònlain ku gobièrnu.
Bo karta ta poné kla di 11 di novèmber pa 4 di desèmber, durante e simannan pa buska BSN. Despues di e simannan pa buska BSN semper por hasi petishon na ofisina di registro sivil.
Bo por buska bo karta sin sita na un di e siguiente lokalidatnan:
- Ofisina di Direktorado di Komunidat i Kuido (OLB), Kaya Neerlandia #41
Djaluna t/k Djaweps di 8or di mainta pa 3or di atardi
- Sociedat San Antonio de Padua, Kaya Rincon #66
Djaluna t/k Djaweps di 9or pa 12or di mainta
Bini ku identifikashon bálido
Pa buska bo karta di BSN bo mester bini ku un identifikashon bálido, manera bo sédula, pasport òf reibeweis. Bo tin yu(nan) menor di 16 aña? Mayor i kuidadó di un mucha menor di 16 aña por buska e karta di BSN di e yu.
Formulario di outorisashon
Bo por outorisá un otro persona pa buska bo karta di BSN. Pa esaki bo ta skirbi un karta di outorisashon kaminda ku tin bo nòmber, fecha di nasementu, adrès i firma, huntu ku e nòmber i fecha di nasementu di e persona ku bo ta outorisá. Den e karta mester menshonábon kla ku bo ta outorisá e persona pa tuma e karta na bo nòmber. Ademas, bo mester inkluí un kopia di bo identifikashon.
Preguntanan frekuentemente hasí
Ki dia mi por buska mi BSN?
Bo por buska bo karta ku BSN personal durante e simannan pa buska BSN, di djamars 11 di novèmber t/k djaweps 4 di desèmber. Bo tin un sita kaba na registro sivil? E ora ei bo ta haña bo karta di BSN mesora. Despues di e simannan pa buska semper bo por hasi petishon di bo BSN na registro sivil.
Ken por buska e BSN?
Tur habitante di Boneiru, Sint Eustatius i Saba for di 16 aña por buska nan karta di BSN personal di BSN.
Kiko mi mester bini kuné na momentu ku mi bai buska mi karta di BSN?
Bini ku bo identifikashon bálido (sédula/karchi di identidat, reibeweis òf pasport) ora ku bo ta bai buska bo karta di BSN personal.
Mi por buska karta di mi yu(nan)?
Si, mayornan ku yu menor di 16 aña por tuma e karta di BSN di e yu. Sòru si pa bo bini ku un identifikashon bálido di bo yu.
For di ki edat mi mes por buska mi karta di BSN?
Tur persona for di 16 aña por buska e karta di BSN personal. Mas yòn ku 16 aña? E ora ei un mayor òf kuidadó por buska e karta.
Un otro persona por buska mi BSN?
Si, bo por outorisá un persona. Pa esaki bo ta skirbi un karta di outorisashon kaminda ku tin bo nòmber, fecha di nasementu, adrès i firma, huntu ku e nòmber i fecha di nasementu di e persona ku bo ta outorisá. Den e karta mester menshoná bon kla ku bo ta outorisá e persona pa tuma e karta na bo nòmber. Ademas, bo mester inkluí un kopia di bo identifikashon.
Mi por buska mi karta despues di e simannan pa buska tambe?
Si, semper bo por hasi petishon na registro sivil.
Kon mi ta warda mi karta di BSN?
Warda e karta ku bo BSN personal bon den e map, esaki bo ta risibí na momentu ku bo buska e karta. No kompartí bo BSN sin mas ku otronan.
Kiko ta pasa si mi pèrdè mi karta di BSN?
Semper bo por hasi petishon pa bo BSN na registro sivil òf buska esaki ku DigiD riba mijn.overheid.nl
Kuantu tempu mi karta di BSN ta bálido?
E BSN ta personal i lo pertenesé semper na bo. Balides di e karta ta indefiní komo komprobante di bo BSN.
