John Soliano ta gezaghèber for di 1 di ougùstùs 2024. Su término ta dura 6 aña.
Vishon pa Boneiru
John Soliano ke un isla seif i fuerte ku un gobièrnu ku ta konfiabel i aksesibel. Kada siudadano mester por sinti su mes seif. Tur hende mester tin chèns igual, no ta importá su desendensia.
Bon gobernashon
Bon gobernashon ta nifiká transparensia, regla kla i siudadano ku ta enbolbí den maneho i tumamentu di desishon. Gezaghèber ta enkurashá koperashon i transparensia. E ta traha tambe na un gobièrnu konfiabel.
Seguridat
Seguridat ta tarea di gobièrnu, polis, hustisia i habitante huntu. Gezaghèber ta sòru pa órden i seguridat na e isla. E ta traha pa logra un isla sigur via maneho di seguridat, koperashon i prevenshon. .
Inklusividat
Un Boneiru inklusivo ta nifiká ku tur hende ta sintu nan mes bon biní i balorá. Gezaghèber ta haña importante pa buska similaridat na lugá di buska diferensia, ta importante tambe pa tur habitante por partisipá den nos komunidat.
