Presupuesto 2022

Dia 1 di sèptèmber 2021 a manda diseño di presupuesto 2022 di Entidat Públiko Boneiru pa Konseho Insular pa tratamentu i aprobashon.

Dia 1 di sèptèmber 2021 a manda diseño di presupuesto 2022 di Entidat Públiko Boneiru pa Konseho Insular pa tratamentu i aprobashon. E aña akí a skohe pa un presentashon nobo di e presupuesto, di manera ku e konekshon ku e plannan di maneho di e Programa di Gobernashon 2019-2023 ta bini dilanti mas klarito. Di e manera akí ta pone siudadanonan di Boneiru sentral den e presupuesto akí: presentando e presupuesto segun e prioridatnan di gobièrnu, e siudadano ta haña un mihó bista den loke Entidat Públiko Boneiru ke realisá den e periodo binidero. Un Boneiru duradero den un ambiente stabil i prometedor.

E aña akí tambe pa promé biaha tin un ‘Presupuesto den 1 mirada’ ku en breve ta duna un bista general klarito di entradanan i gastunan di gobièrnu boneriano.

A hinka e presupuesto den un bachi nobo pa hasié mas aksesibel i mas plasentero pa lesa. Den e presupuesto di maneho ta deskribí e metanan pa e maneho di e aña (i añanan) binidero, ku tin influensia riba presupuesto di Entidat Públiko Boneiru. Ta ilustrá e aktividatnan ku ta nesesario pa realisá e metanan akí i e gastunan enbolbí ku esakinan den e presupuesto akí.

Na momentu di stipulashon di e benefisionan a basa esaki riba un kontinuashon di e rekuperashon ekonómiko ku a kuminsá meimei di aña 2021 i ku segun e pronóstikonan lo sigui den aña 2022. Implementashon di e impuesto nobo pa turista ta fortifiká e kalkulashon positivo akí. Di e manera akí ta spera un subida di entrada na aña 2022. E akshonnan di rekuperashon den kaso di emishon di pèrmit di konstrukshon i emishon èkstra di tereno lo kontribuí mas aleu na un parti sólido di entrada di e presupuesto akí. 

Banda di e prioridatnan ku a akordá den Programa di Gobernashon i Akuerdo Intergubernamental, Entidat Públiko Boneiru den aña 2022 i den e añanan binidero ta hasi esfuerso pa intensivá  e maneho ku ta enfoká riba rekuperashon ekonómiko i mehorashon di servisio na e siudadano. Esaki ta reflehá su mes den e gastunan presupuestá i den invershonnan. Den esaki e prioridatnan ta:  

• Drechamentu di kaminda
• Digitalisashon
• Desaroyo di organisashon
• Punto di referensia siguridat sosial
• Rekuperashon di ekonomia
• Suministro di kombustibel

Ku introdukshon di e presupuesto akí pa aña 2022 Entidat Públiko Boneiru ta kalkulá su entradanan i gastunan den un forma mas realístiko, ku komo meta pa prevení mas tantu posibel ku ta gasta ménos sèn ku ta disponibel den e kuenta anual. Ku e intenshonnan di maneho i e prioridatnan ku mester keda realisá, mester invertí hopi riba sierto terenonan. Na momentu di formulashon di e presupuesto akí, kaminda tabata posibel, a ekonomisá riba gastunan operashonal (di ofisina). No opstante esaki e presupuesto ta mustra un défisit ku ta ferwagt di USD 1.97 mion, ku ta ku keda kubrí pa un biaha so pa medio di e reservá general ku a akumulá durante añanan ku a pasa. E reserva general na fin di aña 2020 ta USD 36.6 mion, di manera ku ta responsabel pa na aña 2022 kubri e défisit ku ta ferwagt for di esaki sin ku ta afektá posishon finansiero di Entidat Públiko Boneiru. A pone e parti di maneho di e presupuesto pa tur hende mira riba wèpsait di Entidat Públiko Boneiru. Nos ta invitá tur siudadano pa tira un bista den presupuesto 2022.