Finansa di Entidat Públiko Boneiru

Departamento di Finansa ta bou di direkshon di un hefe di departamento i ta enkargá ku desaroyo i ehekushon di maneho i atministrashon finansiero di Entidat Públiko Boneiru.

Por dividí e tareanan den 3 tarea prinsipal:

Stratégiko
Inisiá i ko-desaroyá maneho i instrumentonan finansiero. Aki bou ta kai entre otro supsidio, dokumentunan di maneho, maneho di riesgo, ordenansa i manual di organisashon atministrativo / kontròl interno (AO/IC)

Táktiko
Asesorá Konseho Insular, Kolegio Ehekutivo i aparato públiko di Entidat Públiko Boneiru tokante maneho relashoná ku aspektonan finansiero i ekonómiko. Aki bou ta kai entre otro dokumentu di asesoramentu, hinka presupuesto di Entidat Públiko Boneiru den otro, raportahe di ehekushon, prognóstiko di likides i agènda di planifikashon i kontròl.

Operashonal
Sòru pa administrashon finansiero i ehekushon di maneho relashoná ku aspektonan i intrumentonan finansiero di Entidat Públiko Boneiru. Aki bou ta kai entre otro hinka kuenta anual i relato anual, nota i anslag di impuesto, òrden di pago i raportahe presupuestario den otro.