E sekretario insular ta duna sosten na Kolegio Ehekutivo di Entidat Públiko Boneiru i e ta e promé konsehero di maneho di gobernashon i Kolegio Ehekutivo. Pa loke ta trata kontenido e funshon ta igual na esun di sekretario munisipal den munisipionan hulandes oropeo. Ta trata di un ròl importante di duna guia i direkshon na e aparato públiko.
Banda di dunamentu di guia riba tereno gubernamental i públiko, e sekretario insular a base di e Lei di Siguridat BES (Veiligheidswet BES) ta ehersé e funshon tambe di ‘kordinadó insular di kalamidat’ i e ta enkargá ku kordinashon di e medidanan i previshonnan ku Entidat Públiko Boneiru ta tuma ku bista riba un kalamidat òf krísis i e ta duna konseho na e outoridat kompetente tokante riesgonan di kalamidat i krísis
