Karta Europeo, un tratado di Konseho di Europa di 1992, ta dirigí riba protekshon i promoshon di idioma regional i di minoria. E Karta tin vários nivel di protekshon. Parti II ta ofresé un protekshon general di un idioma. Ku esei un estado ta komprometé su mes entre otro pa kita opstákulonan pa uso di idioma. Parti III ta bai mes leu i ta kontené medidanan konkreto pa protekshon i promoshon di un idioma riba vários tereno, bou di kua enseñansa, sistema hudisial, gobièrnu, medionan di komunikashon, kultura i bida sosioekonómiko.
Pa Boneiru a skohe pa un rekonosimentu mas ekstenso bou di Parti III. Ku esei no solamente ta protehá papiamentu, sino ta promové aktivamente tambe uso i desaroyo di e idioma. Pa Boneiru ta apliká disposishonnan spesífiko di Parti III, entre otro riba tereno di enseñansa, prosedimentu hudisial, atministrashon públiko, medionan di komunikashon i kultura.
Ademas 1 di yüli 2024 a rekonosé papiamentu den e parti europeo di Hulanda bou di Parti II di e Karta. Esaki ta nifiká ku tin vários forma di rekonosimentu pa papiamentu: na Boneiru bou di Parti III i na Hulanda Europeo bou di Parti II.
E rekonosimentu akí ta suprayá importansia di papiamentu komo idioma bibu i komo parti di identidat kultural di Boneiru. Ademas e ta ofresé un base importante pa maneho di idioma den futuro i pa protekshon di e idioma pa generashonnan aktual i di den futuro.
Pa mas informashon:
https://open.overheid.nl/documenten/f8a7cedf-eaa4-417d-98dd-4190ae92e9f1/file
