Entidat Públiko Boneiru ta kumpra Plantashi Fòntein bèk. Pa esaki Entidat Públiko Boneiru i Reino a pone medionan disponibel. Konservashon i rekuperashon di balornan natural i kultural ta di gran importansia pa Boneiru. Kompra di Plantashi Fòntein ta un paso importante den esaki.
Riba djárason 4 di òktober durante e konferensia di prensa, e minister pa Naturalesa i Nitrógeno Christianne van der Wal-Zeggelink i e diputadonan Hennyson Thielman, James Kroon i Jolinda Craane ta duna splikashon tokante meta di e kompra.
Den pasado Plantashi Fòntein a hunga un ròl importante riba tereno di rekreashon, agrikultura i suministro di awa pa bestia. E área konosé un historia riku, pa motibu ku e tabata ofresé rekursonan balioso na nos poblashon lokal. Pa hopi aña kaba Entidat Públiko Boneiru tabata trahando riba e kompra i a hiba vários kòmbersashon ku e doño tokante esaki.
Kompra di Plantashi Fòntein ta un logro spesial, komparabel ku kompra di Klein Bonaire e tempu aya. Un kompra ku bista pa naturalesa i kultura boneriano.
tijd de aankoop van Klein Bonaire. Een aankoop met oog voor de Bonairiaanse natuur en cultuur.
