Riba djabièrnè 9 di òktober 2026 kuater inspektor di Direktorado di Supervishon i Mantenshon di Lei a huramentá komo Polis Ekstraordinario (Buitengewoon Agent van Politie – BAVPOL). Ku esaki e direktorado ta disponé awor di 25 BAVPOL.
Anteriormente un grupo di inspektor a finalisá nan kapasitashon eksitosamente. Durante esaki nan a siña entre otro tokante derecho penal, tokante aktuashon profeshonal i tokante formulashon di un prosèsverbal. Kua ta e kompetensianan ku eksaktamente nan ta haña, tin den nan instrukshon i akta. Nan tin mag di por ehèmpel para un hende pa determiná su identidat.
Pa motibu ku mas inspektor tin e kompetensianan akí, Direktorado di Supervishon i Mantenshon di Lei mes por intervení mas tantu biaha i mas lihé. Esaki ta hasi e supervishon i mantenshon di lei di tur dia mas fuerte.
E huramentashon ta kuadra ku profeshonalisashon mas aleu di Direktorado di Supervishon i Mantenshon di Lei, ku ta sigui invertí den desaroyo di su empleadonan. Di e manera akí e direktorado ta traha pa logra un Boneiru seif, ordená i habitabel.
