Riba djasabra 14 di novèmber habitantenan por akudí na Jong Bonaire tambe, kaminda e tim di bakunashon di GGD ta pasa hende angua for di 09.00 or te 13.00 or. Por haña mas informashon riba www.ggdbonaire.com/angua.
Pa limitá plamamentu di grip, GGD ta hasi un yamada riba tur hende pa apliká e siguiente medidanan di higiena:
- Laba bo mannan regularmente ku awa i habon.
- Tosa i nister den bo èlebog.
- Hasi uso di lensu di papel i tira nan afó mesora.
- Keda kas ora bo ta malu i evitá kontakto ku personanan vulnerabel.
- Sòru pa sufisiente ventilashon den espasionan paden.
Pasa angua ta keda e manera mas efektivo pa prevení malesa grave, komplikashon i hospitalisashon debí na grip. Bo tin pregunta tokante e angua kontra grip? E ora ei tuma kontakto ku bo dòkter di kas òf bishitá e wèpsait www.ggdbonaire.com.
Huntu nos por limitá plamamentu di grip i protehá habitantenan vulnerabel di Boneiru.
