For di 31 di òktober 2026 habitantenan di 60 aña bai ariba por pasa angua kontra grip. E angua kontra corona ta disponibel pa habitantenan di 70 aña bai ariba i hendenan ku un kondishon médiko.
Den e último lunanan di aña, grip i corona ta aparesé mas tantu biaha. E anguanan ta yuda prevení infekshon i nan ta redusí prinsipalmente e chèns pa malesa grave i hospitalisashon.
Sin sita na Jong Bonaire
GGD Bonaire ta pasa hende angua riba djasabra 31 di òktober, 7 di novèmber i 14 di novèmber 2026, di 09.00 or te 13.00 or na Jong Bonaire. Hende ku ta kedando temporalmente na Boneiru i ku ta kumpli ku e kondishonnan, tambe ta bon biní.
Bin ku un prueba bálido di identidat, i si bo ta usa remedi, un lista di bo remedinan. Pa e angua kontra corona bo ta haña algun pregunta tokante bo salú.
Otro sitionan pa pasa angua
- Rincon Medical Center: pasa angua kontra corona sin sita dia 3, 5, 10 i 12 di novèmber 2026, for di 08.00 or te 12.00 or.
- Dòkternan di kas: pasa angua kontra grip sin sita for di 2 di novèmber 2026.
- Institutonan di kuido: hende grandi den kasnan di kuido i akohidanan di hende grandi por pasa angua den nan propio ambiente di kuido. Tokante esaki GGD a hasi palabrashon ku tur e institutonan.
- Na kas: hende ku ta drumí na kama òf no por kana bon, por traha un sita pa pasa angua na kas.
Pregunta òf un sita na kas?
Durante ora di ofisina tuma kontakto ku GGD Bonaire via +599 777 6102 òf izb@bonairegov.com. Mas informashon: www.bonairegov.com/angua.
