Produkto i Servisio
Gobièrnu i Organisashon
Aktualidat

Opheshon kontra pago di impuesto riba tereno

Bo a risibí un faktura ku tin di aber ku e impuesto ku bo mester paga riba bo tereno i bo no ta di akuerdo ku e montante? E ora ei bo por manda un karta òf e-mail pa Entidat Públiko Boneiru. Nos ta yama esaki, hasi un opheshon kontra pago di impuesto riba tereno.
Aki bo por lesa kon pa hasi esaki.

Kiko e produkto òf servisio aki ta nifiká?

Kiko bo mester tene bon kuenta kuné?

Bo mester reakshoná dentro di 2 luna despues di e fecha menshoná den e karta ku bo a risibí. 
Si bo reakshoná despues di e término aki, Entidat Públiko Boneiru no por trata bo petishon mas.

Impuesto riba tereno ta un montante di sèn ku bo ta paga tur aña riba tereno ku ta bo propiedat na Boneiru.

E montante ku bo mester paga ta indiká den e karta ku bo ta risibí di Entidat Públiko Boneiru.

Den e siguiente situashonnan por pasa ku bo no ta di akuerdo:

  • Bo a bende e tereno kaba.
  • Bo ta haña ku e balor stipulá di bo kas òf tereno ta muchu haltu.
  • Bo no mester paga impuesto riba tereno, pero sí mester paga impuesto riba propiedatnan inmóbil.

Den e kasonan ei bo por manda un reakshon por eskrito.

Ki ora bo por pidi esaki?

Bo por reakshoná si:

  • Bo no ta e doño di e propiedat òf tereno mas.Añadí na bo karta: un kopia di e akta notarial.
  • Bo ta haña ku e balor stipulá di bo kas òf tereno ta muchu haltu.Añadí na bo karta: potrèt di bo kas òf tereno, tantu di paden komo di pafó.
  • Bo no mester paga impuesto riba tereno, pero sí impuesto riba propiedatnan inmóbil.

Kon bo por pidi esaki?

Asin’aki bo partisipá, ku bo no ta di akuerdo ku e faktura:

  • Bo ta manda un karta òf e-mail.
  • Bo por hasi esaki pa medio di:

Den bo karta òf e-mail bo mester menshoná:

  • bo nòmber;
  • bo adrès kompleto;
  • bo number di CRIB;
  • e number di e desishon;
  • e referensia di pago;
  • e number kadastral;
  • e fecha di e desishon;
  • e fecha riba kua bo a skirbi e karta;
  • un splikashon kla di e pakiko bo no ta di akuerdo ku e desishon;
  • un kopia di e karta ku ta kontené e desishon. 

Bo tin mas dokumento ku ta sirbi komo prueba? Manda nan huntu ku bo reakshon.
Si bo ta reakshoná na nòmber di un otro persona, bo mester manda un karta den kua e persona akí ta deklará ku e a duna bo outorisashon pa hasi esaki.

Ku ken bo por tuma kontakto?

Departamento di Finansa
Adrès: Kaya Industria Pariba 28 
Telefòn: (+599) 715 5330
E-mail: belasting-olb@bonairegov.com

Orario di servisio
Djaluna te ku djabièrnè: 08:00 or – 12:00 or
                                            14:00 or – 16:00 or

Kuantu tempu e ta tuma?

Lo bo risibí un kontesta riba bo karta òf e-mail mas pronto ku ta posibel.
Kuantu tempu esaki ta dura, ta dependé di bo situashon i di si tur dato nesesario a keda entregá.

Bo no ta di akuerdo ku e desishon?

Bo no ta di akuerdo ku nos desishon?
E ora ei bo por tuma un siguiente paso.
Den e karta ku ta kontené nos desishon ta splika kon pa hasi esaki.

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat