Produkto i Servisio
Gobièrnu i Organisashon
Aktualidat

Nòmber di kaya i number di kas

Bo tin un tereno ku no tin adrès? E ora ei bo por pidi esaki na Entidat Públiko Boneiru, EPB. 

Kiko e produkto òf servisio aki ta nifiká?

Kiko bo mester tene bon kuenta kuné?

Entregá tur dokumento ku tin riba e formulario. E ora ei por atende mas lihé ku e petishon.

Ku e petishon akí bo ta apliká pa nòmber di kaya ofisial i number di kas pa : 

  • Un tereno ku konstrukshon ariba (tin ya kaba un edifisio/konstrukshon), òf
  • Un tereno sin konstrukshon ariba (no tin nada ainda, pero bo ke determiná un adrès ya kaba).

Kolegio Ehekutivo ta outorisá pa duna nòmber na kaya i pa determiná number di kas.

Ki ora bo por pidi esaki?

Bo por hasi un petishon si:

  • ta na bo interes (por ehèmpel bo ta doño òf hürdó di e tereno), i si
  • bo yena e petishon ful i
  • bo manda e dokumentonan rekerí komo anekso (ID + dokumento/komprobante).

Kon bo por pidi esaki?

Hasi lo siguiente:

  • Yena e formulario :
    • Nòmber i fam
    • Number di telefòn i email
  • Yena e datonan di adrès :
    • Adrès aktual (manera registrá den registro sivil
    • Futuro adrès / lugá  (pa kua bo ta apliká pa nòmber di kaya i number di kas)
  • Pone anekso aserka:
    • Anekso A: Kopia prueba di identidat bálido
    • Anekso B : ún di e dokumentonan akí : akto,  / prueba di Kadaster
  • Entregá e formulario (di forma digital via e-form òf en persona na bali di R&O).

 Bo ta haña un nòmber di kaya / number di kas temporal.

Ku ken bo por tuma kontakto?

Pa pregunta bo por tuma kontakto ku Sentro di Kontakto pa Kliente (KCC) do EPB na:

  • Number di informashon: +599 715 5330
    • Djaluna te ku djaweps :  08:00–12:00 or I 14:00–17:00 or
    • Djabièrnè : 08:00–12:00 or I 14:00–16:30 or
  • E-mail: info@bonairegov.com
  • WhatsApp: +5997155330
  • Bo por hasi uso tambe di e chat via e wèpsait.

Kuantu tempu e ta tuma?

  • Bo ta haña un reakshon despues ku a evaluá bo petishon. E tempu presis pa atendé por varia (por ehèmpel si tin kos inkompleto òf mester di evaluashon èkstra).
  • Ora Kolegio Ehekutivo duna un number di kas, bo mester pega e bòrchi ku number di bo kas por lo general denter di 4 siman na bo kas, a ménos ku a disidí otro. 

Kuantu e ta kosta?

Petishon pa nòmber di kaya i number di kas ta grátis.

Bo no ta di akuerdo ku e desishon?

Bo no ta di akuerdo ku e desishon? E ora ei bo por: 

  • Entregá opheshon. En prinsipio bo mester hasi esaki denter di 6 siman despues di e dia ku bo a haña e disposishon.
  • Kolegio Ehekutivo ta disidí despues en prinsipio denter di 4 luna pa mas tardá tokante e opheshon (ku posibel prolongashon segun lei).

Formularionan

Bo por pidi esaki online?

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei  Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat