Kambio den kompensashon di koriente

Kiko e produkto òf servisio aki ta nifiká?

Bo por risibí un kompensashon di $1300 riba bo faktura di koriente di WEB. For di e krédito aki WEB ta kita mensualmente bo uso di koriente. Si bo situashon personal a kambia, manera bo entrada òf adrès, bo tin ku aktualisá bo informashon.

Ki ora bo por pidi esaki?

E kondishonnan:

• Bo mester ta bibá sinku aña òf mas legalmente, sin interupshon, na Boneiru na momentu di e petishon.
• Bo entrada no ta pasa e límite máksimo konforme bo situashon familiar.
• Bo mester entregá tur e dokumentunan korekto pa mustrá e kambio.

Kiko bo mester tene bon kuenta kuné?

Si bo situashon a kambia, manera por ehèmpel bo entrada òf bo adrès, bo tin ku informá nos. Asina bo ta evitá ku bo kompensashon ta stòp òf ku bo lo mester paga e suma bèk.