Produkto i Servisio
Gobièrnu i Organisashon
Aktualidat

Stipulashon di paternidat

No ta kla ken ta e tata òf mama duo di un yu? E ora ei korte por stipulá e paternidat. Asina ta determiná ofisialmente ken ta mayor hurídiko di e yu. 

E departamento di Registro Sivil ta prosesá e veredikto di korte den e datonan.

Kiko e produkto òf servisio aki ta nifiká?

Kiko bo mester tene bon kuenta kuné?

Solamente e mama biológiko òf e yu por entregá un petishon serka hues pa stipulá e paternidat.

Semper bo mester di un abogado pa esaki.

Na stipulashon di paternidat, e hues ta disidí ken ta e mayor hurídiko di un yu.

Esaki por trata di:

  • e tata di e yu
  • e partner femenino di e mama (mama duo)

Pa esaki hues por laga hasi un investigashon di DNA òf usa otro prueba, manera deklarashon di testigu.

Despues di stipulashon e mayor tin derechi i deber, manera:

  • obligashon di mantenshon
  • derecho di bishita
  • herensia
  • derecho riba fam pa e yu

Mayornan òf mamanan duo por nenga e paternidat tambe si resultá ku e paternidat hurídiko no ta kuadra. 

Bo por pasa na Registro Sivil pa informashon tokante stipulashon di paternidat.

Banda di esaki Registro Sivil ta sòru pa adaptá datonan despues di e veredikto di korte.

Ki ora bo por pidi esaki?

Bo mester kumpli ku e siguiente kondishonnan:

  • Solamente e mama biológiko òf e yu por entregá e petishon
  • Bo mester di un abogado
  • Mester entregá e petishon na hues di Boneiru
  • Na momentu di stipulashon di un mama duo hues ta wak si el a duna pèrmit pa hendra e yu.

Kon bo por pidi esaki?

Asina bo ta laga stipulá e paternidat:

  1. Tuma kontakto ku un abogado.
  2. E abogado ta entregá un petishon na korte.
  3. E hues por pidi investigashon di DNA òf otro prueba.
  4. Despues di investigashon, e hues ta tuma un desishon tokante e paternidat.

Kuantu tempu e ta tuma?

E término pa trata e kaso ta dependiente di korte. 
E hues ta tuma desishon despues ku a presentá i eksaminá tur evidensia.

Bo no ta di akuerdo ku e desishon?

Bo no ta di akuerdo ku e desishon di e hues?
E ora ei bo por presentá un opheshon òf bai den apelashon via di bo abogado.
E prosedimentu ta sigui kana e ora ei via di e tribunal mas haltu. 

Ki lei i regla ta konta aki?

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei  Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat