Nenga paternidat

Ta posibel pa komo mama òf tata nenga e paternidat. Pa esaki bo mester bai korte. E ora ei bo mester di un abogado. Tin ora un mama tambe por pidi un akta di negashon na departamento di Registro sivil.

Kiko e produkto òf servisio aki ta nifiká?

Si e mama di un yu ta kasá, e ora ei su kasá ta bira e tata di e yu. Esaki ta konta tambe pa union registrá.

Ta posibel pa nenga e paternidat. Por ehèmpel pasobra e kasá no ta e tata biológiko di e yu.

Ki ora bo por pidi esaki?

Por lesa e prosedimentu pa determiná e paternidat via korte riba Rechtspraak.nl.

Tin biaha e mama tambe por nenga e paternidat via di un hues. Esaki por si e partner a fayesé òf si bo ta divorsiá òf si e hòmber no ta e tata biológiko di e yu. E mama ta pidi un akta di negashon e ora ei.

E kondishonnan pa nenga e paternidat ta:

Bo ta e mama legal di e yu.
E yu no tin 1 aña ainda.
E hòmber di ken bo ke nenga e paternidat, tabata bo kasá òf partner registrá.
E hòmber a fayesé den 306 dia promé ku nasementu di bo yu.
Bo tabata bibando separá di e hòmber for di 306 dia promé ku e fecha di nasementu di bo yu.

Kon bo por pidi esaki?

Asina bo ta pidi negashon di e paternidat:

Tuma kontakto ku un abogado. Bo ta pidi e negashon na korte.
Wak pa mas informashon tokante e prosedimentu riba Rechtspraak.nl

Asina bo ta pidi un akta di negashon:

Tuma kontakto ku e departamento di Registro Sivil.

Kuantu e ta kosta?

Informá serka bo abogado pa e kostonan.

Hasi petishon pa un akta di negashon na departamento di Registro Sivil no ta kosta nada. Pa un kopia òf ekstrakto for di e registro sivil bo ta paga $11,20. E montante akí bo ta paga na momentu di e petishon.

Ki lei i regla ta konta aki?

Unda bo por haña mas informashon?

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.