Skohe nòmber djadilanti

Na momentu di nasementu di un yu, abo komo mayor ta skohe un òf mas nòmber djadilanti. E nòmbernan akí ta keda registrá den e akta di nasementu i gobièrnu ta usa nan.

Kiko e produkto òf servisio aki ta nifiká?

Kiko bo mester tene bon kuenta kuné?

Bo ta liber pa skohe un òf mas nòmber djadilanti pa bo yu. E nòmbernan djadilanti no tin mag di ta inapropiá. E empleado públiko di registro sivil por nenga un nòmber djadilanti.

Skohe un nòmber djadilanti ta nifiká ku bo ta registrá e nòmber djadilanti òf e nòmbernan djadilanti di bo yu ora hasi deklarashon di nasementu. E nòmbernan djadilanti ta bini den atministrashon ofisial i riba dokumentunan, manera pasport òf sédula.

Kon bo por pidi esaki?

Bo ta hasi deklarashon di e nasementu na Departamento di Asuntunan Sivil.
Bo ta entregá e nòmber djadilanti / e nòmbernan djadilanti di bo yu na e empleado públiko di Registro Sivil.
E empleado públiko ta evaluá si e nòmbernan djadilanti ta pèrmití.
Si e nòmbernan djadilanti haña aprobashon, ta registrá esakinan den e akta di nasementu.

Si un nòmber djadilanti no haña aprobashon, bo por skohe otro nòmber djadilanti. Si bo no hasi esaki, e ora ei e empleado públiko ta skohe un nòmber djadilanti pa bo yu.

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
Email: info@bonairegov.com

Orario
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Ta registrá e nòmber djadilanti mesora na momentu di e deklarashon di nasementu.

Bo no ta di akuerdo ku e desishon?

Bo no ta di akuerdo ku eskoho di e empleado públiko? E ora ei dentro di 6 siman bo por entregá un petishon na Korte di Promé Instansia di Boneiru, Sint Eustatius i Saba pa laga kambia e nòmber djadilanti. Pa esaki bo tin mester di un abogado.

Ki lei i regla ta konta aki?

Burgerlijk Wetboek BES Boek 1

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.