![[Translate to Papiamentu:]](/fileadmin/user_upload/woman-filling-out-forms-getty-09-28-151bf2eb015d4789a01478244e2c556b.jpg "[Translate to Papiamentu:]")
Mayornan por skohe konhuntamente kua fam nan promé yu ta haña. Bo ta entregá e fam ku boso a skohe na entidat públiko Boneiru.
Kiko e produkto òf servisio aki ta nifiká?
Bo por skohe si bo promé yu ta haña fam di e mama, fam di e tata òf fam di e duo-mama. Bo por duna bo promé yu dos fam tambe. Di kada mayor 1 fam. E sekuensia no ta importá. Kada siguiente yu for di e mesun relashon ta haña mesun fam òf famnan ku e promé yu.
Bo ta adoptá un yu? E ora ei e yu tin mag di keda ku su propio fam òf haña 1 òf 2 fam di e mayornan adoptivo. Òf bo por kombiná e fam propio di e yu ku fam di un di e mayornan adoptivo.
Bo no ta entregá bo eskoho? E ora ei outomátikamente bo yu ta haña un fam. Ta dependé di bo situashon di famia, kua fam bo yu ta haña outomátikamente.
Ki ora bo por pidi esaki?
Pa mas tardá na momentu di hasi deklarashon di nasementu bo ta informá tokante bo eskoho.
E tata no a rekonosé e yu i na momentu di su nasementu bo no ta kasá òf bo no tin un kòntrakt di konvivensia registrá? E ora ei e yu ta haña fam di su mama. Bo por kambia fam di bo yunan pa esun di e otro mayor. Esaki ta posibel si e otro mayor rekonosé e yu tòg. E kondishonnan pa esaki ta:
- E yu ta mas yòn ku 12 aña? E ora ei e mama mester duna pèrmit pa e kambio di fam.
- E yu ta entre 12 i 16 aña? E ora ei e mama i e yu tur dos tin ku duna pèrmit pa e kambio di fam.
- E yu tin 16 aña òf mas? E ora ei e yu tin ku duna pèrmit pa e kambio di fam.
Kon bo por pidi esaki?
Bo yu ta haña un fam outomátikamente. Si bo ta di akuerdo ku e fam akí, bo no tin mester di hasi nada. Bo ke un otro fam pa bo yu?
Di e manera akí bo ta skohe un otro fam pa bo promé yu:
- Bo ta bin personalmente ku bo partner na departamento di Asuntunan Sivil.
- Boso tur dos ta bini ku un prueba bálido di identidat.
- Bo ta skohe e fam pa mas tarda na momentu di hasi deklarashon di nasementu.
Ki lei i regla ta konta aki?
