Rekonosementu

E kondishonnan mas importante pa rekonosé un yu ta:  

• Bo tin 16 aña òf mas.
• Bo no ta famia di e mama.
• No tin 2 mayor kaba.
• E yu ta mas yòn ku 16 aña? Bo tin mester di pèrmit por eskrito di e mama.
• E yu tin mas ku 12 aña? Bo tin mester di pèrmit por eskrito di e yu.

E kondishonnan mas importante pa skohe un fam na momentu di rekonosementu ta:

• Mama i esun ku rekonosé  ta presente na momentu di skohe fam.
• Bo por skohe fam solamente pa e promé yu for di den e relashon.
• Bo por skohe tambe pa un fam dòbel: di kada mayor 1.

Pa rekonosementu di un yu i pa skohe un fam òf famnan, bo ta bai personalmente na departamento di Asuntunan Sivil. Bo ta rekonosé e yu na momentu di hasi deklarashon di nasementu? 

Di e manera akí bo ta rekonosé un yu:

• Bo ta bai departamento di Asuntunan Sivil.
• E mama tambe mester ta presente òf e ta duna un pèrmit por eskrito pa e rekonosementu.
• Bo ke skohe un fam òf famnan na momentu di rekonosementu di bo promé yu? E ora ei pa esaki tambe e mama tin ku duna pèrmit.
• E yu ku tin mas ku 12 aña tambe mester ta presente òf e yu ta duna un pèrmit por eskrito pa e rekonosementu.
• Bo ta bai departamento di Asuntunan Sivil ku lo siguiente:
  • un prueba bálido di identidat di bo mes;
  • un prueba bálido di identidat di e mama;
  • pèrmit por eskrito i prueba bálido di identidat di e mama pa e rekonosementu, si e no ta presente i si e yu ta mas yòn ku 16 aña;
  • pèrmit por eskrito i prueba bálido di identidat di e yu pa e rekonosementu, si e yu tin mas ku 12 aña.

Rekonosementu di un yu i eskoho di fam ta grátis.

Pa un kopia òf un ekstrakto (uittreksel) for di registro sivil bo ta paga $11,20. E suma akí bo ta paga na momentu di hasi e petishon.

Bo no ta di akuerdo ku desishon di e empleado di registro sivil di entidat públiko Boneiru tokante rekonosementu di bo yu? E ora ei bai den apelashon serka Korte di Promé Instansia di Boneiru, Sint Eustatius i Saba.