Hasi deklarashon di nasementu

Bo a bira tata òf mama? E ora ei bo mester laga registrá nasementu di bo yu ofisialmente na e munisipio. Esaki nos ta yama un deklarashon di nasementu.

Kiko e produkto òf servisio aki ta nifiká?

Kiko bo mester tene bon kuenta kuné?

Bo ta hasi deklarashon den e munisipio kaminda bo yu a nase. Si bo yu a nase na Boneiru, e ora ei bo ta hasi deklarashon na departamentu di Asuntunan Sivil di entidat públiko Boneiru.

Na momentu di deklarashon di nasementu, e empleado públiko di registro sivil ta traha un dokumentu ofisial: un akta di nasementu.

E akta di nasementu ta e prueba por eskrito ku un hende a nase.
Si e mayornan ta kasá, e ora ei e yu outomátikamente tin un tata i un mama.
Si e mayornan no ta kasá, e ora ei segun lei e yu tin solamente un mama.
Pa laga registrá e tata ofisialmente komo mayor, e tin ku rekonosé e yu. Mas informashon tokante esaki bo ta haña na e produkto rekonosementu di un yu.

Ki ora bo por pidi esaki?

E siguiente personanan tin mag di mèldu òf mester mèldu e nasementu:

Tin mag: mama di e yu.
Mester: tata di e yu.

Si e tata no ta presente òf no por bini, e siguiente personanan tambe por mèldu e nasementu:

un hende ku tabata presente na e nasementu, òf
direktor òf un apoderado di e hospital kaminda e yu a nase.

Semper bin ku dokumentunan original ora bo bin Asuntunan Sivil, no ku solamente kopia.

Kon bo por pidi esaki?

Di e manera akí bo ta hasi deklarashon di e nasementu:

Bai na departamento di Asuntunan Sivil.
Bo no tin mester di traha un sita. For di djaluna te ku djaweps bo por kana drenta for di 08:00 – 12:00 or.
Bo ta bin ku:

Un prueba bálido di identidat di e persona ku ta bin mèldu e nasementu.
Un prueba di nasementu di hospital.
Si esaki ta aplikabel: un buki di kasamentu òf un buki di famia.

Nan ta traha e akta di nasementu mesora, miéntras bo ta warda.

Ku ken bo por tuma kontakto?

Departamento di Asuntunan Sivil
Kaya Neerlandia 40
Telefòn: +599 7155330
Email: info@bonairegov.com

Orario:

Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Bo tin ku mèldu e nasementu dentro di 5 dia di trabou.

Kuantu e ta kosta?

Deklarashon di nasementu di bo yu ta grátis.

Un kopia òf un ekstrakto (uittreksel) di e akta di nasementu ta kosta $11,20.
Un prueba di inskripshon ta kosta $4,75.

Kiko nos ta hasi ku bo datonan personal?

Ora bo hasi un petishon òf un notifikashon, entidat públiko Boneiru tin mester di bo datonan personal. Entidat públiko Boneiru ta anda kuidadosamente ku bo datonan.

Den e Lei di Protekshon di Datonan Personal BES tin pará kon entidat públiko Boneiru tin ku hasi esaki.

E reglanan mas prinsipal ta:

Entidat públiko Boneiru ta pidi solamente e datonan ku ta nesesario pa tratamentu di bo petishon òf notifikashon.
Nan ta registrá i prosesá bo datonan na un manera seif, konfiabel i kuidadoso.
Nan ta usa bo datonan solamente pa e petishon òf e notifikashon, òf pa algu ku tin direktamente di haber ku esei.
Nan no ta warda bo datonan mas tantu tempu ku ta nesesario pa e petishon òf notifikashon.
Otro organisashonnan ta haña bo datonan solamente si esaki ta obligatorio segun lei.
Bo tin mag di puntra pakiko nan ta usa bo datonan i kiko ta pasa ku nan.