Produkto i Servisio
Gobièrnu i Organisashon
Aktualidat

Registrá adopshon

Despues di adopshon, mester inskribí e yu di adopshon na e departamento di Registro Sivil di entidat públiko Boneiru

Promé bo ta pidi un pèrmit di estadia. Despues ku bo a risibí e pèrmit di estadia, bo ta bai mas lihé posibel na Registro Sivil.

Kiko e produkto òf servisio aki ta nifiká?

Kiko bo mester tene bon kuenta kuné?

Aktualmente, adopshon ta posibel solamente for di Filipina, Hungria, Lesoto, Taiwan, Tailandia, Suráfrika i Hulanda.

Ora bo tin intenshon pa adoptá un yu, tin 2 posibilidat:

  1. Bo ke adoptá un yu for di eksterior.
    Tuma kontakto e ora ei ku e departamento di servisionan pa adopshon di fundashon Fiom.
  2. Bo ke adoptá un yu hulandes, por ehèmpel e yu di bo partner aktual.
    Tuma kontakto e ora ei ku un abogado. Despues ku korte a dikta e adopshon, e munisipio lo risibí mensahe outomátikamente di korte.

Bo a adoptá un yu for di eksterior? E ora ei, pidi un pèrmit di estadia na Servisio di Imigrashon i Naturalisashon Hulanda Karibense (IND – CN)  promé. Despues bo mester laga inskribí bo yu adoptá mas lihé ku ta posibel na e departamento di Registro Sivil.

Bo a adoptá un yu hulandes i bo yu no ta inskribí na bo adrès ainda?

  1. Promé bo ta pidi un pèrmit di estadia na IND-CND.
  2. Despues bo mester saka bo yu adoptá for di e registro di Hulanda
  3. Despues bo por inskribí bo yu na e departamento di Registro Sivil.

Na Hulanda bo por adoptá solamente mucha bou di 18 aña. Solamente den kasonan masha spesial, por adoptá adulto.

Kon bo por pidi esaki?

Traha un sita na e departamento di Registro Sivil pa laga registrá bo yu adoptá den e atministrashon di poblashon (PIVA). Bini huntu ku bo yu adoptá na e sita.

Bo mester trese por lo ménos:

  • bo dokumento di identidat bálido;
  • dokumento di identidat di bo yu adoptá;
  • un pèrmit di estadia balido;
  • si ta aplikabel: prueba (partisipashon di mudansa) ku a saka e yu for di registro di Saba, Sint Eustatius, Aruba, Kòrsou, Sint Maarten òf Hulanda Europeo.

Ta determiná e nòmber di bo yu adoptá durante e prosedimentu di adopshon. For di 1 di yanüari 2024 bo por duna e yu e fam original tambe. Tambe por hasi un kombinashon ku bo mes fam òf esun di bo eventual partner. Wak riba e wèpsait di gobièrnu di reino pa mas informashon i ehèmpel.

A adoptá bo komo adulto den eksterior? E ora ei kisas e departamento di Registro Sivil no por adaptá bo registrashon den PIVA mesora. Tin biaha e departamento di Registro Sivil ke hasi investigashon promé.

Ki lei i regla ta konta aki?

Chat