Produkto i Servisio
Gobièrnu i Organisashon
Aktualidat

Kambio di uso di nòmber

Bo por indiká kon bo ke pa gobièrnu yama bo, por ehèmpel ku bo propio fam, e fam di bo partner, òf un kombinashon di tur dos. 

Kiko e produkto òf servisio aki ta nifiká?

Kiko bo mester tene bon kuenta kuné?

Bo fam ofisial no ta kambia outomátikamente ora bo kasa òf ora ku bo drenta un union registrá.

Ora bo registrá bo nòmber di preferensia na gobièrnu, bo mes ta skohe kon bo ke pa nan dirigí nan mes na bo. Bo fam legal ta keda meskos. Entidat Públiko Boneiru (EPB) i otro organisashonnan (gubernamental) lo usa bo preferensia, por ehèmpel ora nan manda un pòst pa bo. E fam ku bo a risibí na bo nasementu ta keda den bo dokumentonan ofisial, por ehèmpel bo pasport òf reibeweis.

Por ehèmpel: si bo nòmber ta J. de Wit i bo pareha yama P. Jansen, bo por skohe entre kuater nòmber:

  • J. Jansen
  • J. de Wit
  • J. de Wit-Jansen
  • J. Jansen-de Wit

Ki ora bo por pidi esaki?

Bo mester hasi e petishon personalmente na Registro Sivil.

Kon bo por pidi esaki?

  1. Traha  un sita na Asuntunan Sivil na Kralendijk.
  2. Trese bo prueba di identidat, manera bo sédula òf pasport.
  3. Indiká por eskrito kua fam bo ke usa:
    1. Solamente bo propio fam
    2. Solamente e fam di bo partner
    3. kombinashon di bo fam i esun di bo partner
  4. E ámtenar ta registrá bo eskoho den e atministrashon básiko di dato personal (PIVA).
  5. Por inkluí bo preferensia tambe riba dokumentonan ofisial nobo, manera pasport òf sédula.

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio:
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Ta prosesá bo eskoho mesora den e atministrashon.

Kuantu e ta kosta?

Hasi un petishon pa kambia uso di bo nòmber ta grátis.

Bo no ta di akuerdo ku e desishon?

Bo por kambia bo preferensia mas despues semper dor di tuma kontakto atrobe ku Asuntunan Sivil.

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat