Investigashon di palu genealógiko

Bo ta buska datonan di personanan ku tabata biba na Boneiru den pasado? Registro Sivil tin datonan personal wardá ku bo por pidi.

Kiko e produkto òf servisio aki ta nifiká?

Kiko bo mester tene bon kuenta kuné?

No ta tur dato ta públiko pasobra tin reglanan pa privasidat.

Na Registro Sivil bo por pidi e siguiente datonan:

Registro Sivil: akta di nasementu, matrimonio i fayesimentu for di 1811.
- Akta di fayesimentu ta públiko despues di 50 aña.
- Akta di matrimonio ta públiko despues di 75 aña.
- Akta di nasementu ta públiko despues di 100 aña.
Registro di poblashon: karchinan di famia i otro datonan for di 1850 te ku 1997.

Ki ora bo por pidi esaki?

Bo por pidi solamente e datonan ku por ta públiko segun e reglanan di privasidat.

Kon bo por pidi esaki?

Bo por hasi petishon pa un investigashon di palu genealógiko na departamento di Registro sivil. Hasi un sita online pa esaki.

Ora bo entregá e petishon, bo ta paga depósito. Un depósito ta un suma ku bo ta paga adelantá. Bo ta risibí e sèn akí bèk ora e investigashon ta kla.

Si tin gastunan adishonal pa e investigashon, por kita esaki for di e depósito. Bo ta risibí e montante ku ta resta bèk.

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio:
Djaluna te ku djaweps: 08:00 - 15:00 or
Djabièrnè: será

Kuantu e ta kosta?

Hasi petishon pa un investigashon di palu genealógiko ta kosta $33,50.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.