![[Translate to Papiamentu:]](/fileadmin/user_upload/papers.jpg "[Translate to Papiamentu:]")
Tur hende ta inskribí na un adrès na departamento di Registro Sivil. Bo ta pensa ku un hende ta inskribí na bo adrès inhustamente? Pidi e ora ei un investigashon di adrès na departamento di Registro Sivil.
Kiko e produkto òf servisio aki ta nifiká?
Un investigashon di adrès ta un investigashon atministrativo. Departamento di Registro Sivil ta investigá, huntu ku Direktorado di Supervishon i Mantenshon di lei, si e personanan ku ta inskribí na e adrès ta biba einan realmente.
Ta importante ku e datonan aki ta kuadra. Tin un hende inskribí na bo adrès, miéntras e no ta biba serka bo? Un persona ku ta inskribí inkorektamente na un adrès por hasi froude tambe.
Instansianan por pidi un investigashon di adrès tambe ora nan ta usa datonan di adrès for di e atministrashon básiko di datonan personal (PIVA).
Kon bo por pidi esaki?
Asina bo ta pidi un investigashon di adrès:
- Tuma kontakto ku departamento di Registro Sivil.
- Bo tin mester di:
- bo dokumento di identifikashon bálido;
- prueba ku bo ta doño òf hürdó di e kas;
- e datonan di e persona òf personanan envolví.
Kuantu tempu e ta tuma?
E investigashon ta dura maksimal ocho luna.
Kuantu e ta kosta?
Pidi un investigashon di adrès ta grátis.
Ki lei i regla ta konta aki?
