Produkto i Servisio
Gobièrnu i Organisashon
Aktualidat

Adaptá dato personal

E datonan den e registro básiko di Registro Sivil (PIVA) no ta kuadra? Òf bo ke laga kambia òf kita dato despues di adopshon òf kambio di sekso? Informá e departamento di Registro Sivil esaki.

Kiko e produkto òf servisio aki ta nifiká?

Den e atministrashon básiko di dato personal (PIVA) tin bo datonan personal manera bo adrès aktual, estado sivil, sekso i nashonalidat. Ta aktualisá algun dato outomátikamente. Por ehèmpel si bo kasa na Hulanda. Otro datonan bo mes ta informá, manera un mudansa.

Bo datonan den PIVA no ta kuadra (mas)? Informá e kambio mesora na departamento di Registro Sivil. E departamento di Registro Sivil lo adaptá bo datonan e ora ei.

Ki ora bo por pidi esaki?

Si bo datonan den PIVA no ta kuadra, bo mester por proba esaki. Bo mester presentá dokumentonan ofisial ku ta mustra kua ta e datonan korekto.

Kon bo por pidi esaki?

Asina bo ta indiká un kambio di dato inkorekto den PIVA: 

  • Bini personalmente na departamento di Registro Sivil.
  • Bo ta trese:
    • bo dokumento di identifikashon bálido;
    • un prueba di e datonan ku mester kambia.

Kuantu tempu e ta tuma?

Departamento di Registro Sivil ta tuma un desishon den 4 siman tokante e petishon pa adaptá bo datonan. E petishon ta tokante bo estado sivil òf nashonalidat? E departamento por ekstendé e término ku 8 siman.

Bo no ta di akuerdo ku e desishon?

Si departamento di Registro Sivil no adaptá bo datonan, bo por hasi un opheshon den 6 siman.

Ki lei i regla ta konta aki?

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat