Prueba ku bo ta na bida

Instansianan por pidi pa un deklarashon por eskrito ku ta proba ku bo ta na bida ainda. Tin dos sorto: un prueba ku bo ta na bida òf un attestatie de vita. Bo por pidi e dokumentonan akí na e entidat públiko kaminda bo ta biba òf keda.

Kiko e produkto òf servisio aki ta nifiká?

Un prueba ku bo ta na bida i un attestatie de vita ta un deklarashon por eskrito ku ta proba ku bo ta na bida ainda. Instansianan manera fondo di penshon òf instansianan di benefisio sosial por pidi esaki.

E diferensia entre ámbos dokumento ta:

Un prueba ku bo ta na bida bo ta usa den reino hulandes. Esaki ta un ekstrakto for di e atministrashon básiko di Registro Sivil. No ta nesesario pa hasi e petishon personalmente.
Un attestatie de vita ta pa uso den eksterior. Esaki ta un deklarashon di estado sivil. Esaki ta un dokumento internashonal. Mester hasi e petishon personalmente.

Bo por pidi na mes momento un formulario multilingual di un attestatie de vita.

Ki ora bo por pidi esaki?

Pa un prueba ku bo ta na bida, bo mester ta registrá den atministrashon básiko di Registro Sivil.

Pa un attestatie de vita, bo mester bai personalmente na departamento di Registro Sivil.

Kon bo por pidi esaki?

Asina bo ta pidi un prueba ku bo ta na bida:

Bo ta bai personalmente na departamento di Registro Sivil òf bo ta manda un persona outorisá.
Personalmente? Bo ta trese:
- bo dokumento di identidat bálido;
- eventualmente e karta di e instansia ku ta indiká ku bo tin mester di un prueba ku bo ta na bida.
Bo ta paga e kostonan ora di hasi e petishon. Preferiblemente paga ku karchi di banko.
Persona outorisá? Bo ta duna:
- un kopia di bo dokumento di identidat bálido; e persona outorisá mester tin su mes dokumento di identidat bálido;
- e outorisashon por eskrito;
- eventualmente e karta di e instansia ku ta indiká ku bo tin mester di un prueba ku bo ta na bida.
Bo ta paga e kostonan ora di hasi e petishon. Preferiblemente paga ku karchi di banko.

Asina bo ta pidi un attestatie de vita:

Bo ta bai personalmente na departamento di Registro Sivil
Bo ta hiba:
- bo dokumento di identidat bálido;
- eventualmente e karta di e instansia ku ta indiká ku bo tin mester di un attestatie de vita;
Bo ta paga e kostonan ora di hasi e petishon. Preferiblemente paga ku karchi di banko.

Ku ken bo por tuma kontakto?

Departamento di Registro Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio
Djaluna te ku djaweps: 08:00 - 15:00 or
Djabièrnè: será

Kuantu e ta kosta?

Un prueba ku bo ta na bida òf attestatie de vita ta kosta $5,60.